झरेत अपघात दोघेजण गंभीर जखमी.. देवदर्शन करून परत येताना अपघात

झरेत अपघात दोघेजण गंभीर जखमी
देवदर्शन करून परत येताना अपघात
आटपाडी प्रतिनिधी
झरे ता. आटपाडी येथील येथे अशोक पवार व राजेंद्र वाघ राहणार निमसोड तालुका खटाव यांचा पंढरपूर वरून देवदर्शन करून परतीचा प्रवास करत असताना झरे तालुका आटपाडी गावच्या पूर्वेला किलोमीटर वरती अपघात झाला यामध्ये दोघेही जखमी झाले आहेत.

जवळच असणारे सामाजिक कार्यकर्ते संदीप अनुसे यांना आवाज झाल्याने ते रस्त्याकडे पळत गेले पाहतात तर दुचाकी स्वराचा दोघांचा अपघात झालेला त्यांना दिसून आले त्यानंतर लगेच त्यांनी 108 नंबरला फोन केला व वीस ते पंचवीस मिनिटांमध्ये ॲम्बुलन्स उपलब्ध झाली. त्यानंतर त्या दोघा जखमींना उपचारासाठी दवाखान्यात देण्यात आले.

झरेच्या पूर्वेस एक किलोमीटर वर अनुसे वस्ती येथे एस आकाराचे वळण आहे या वळणावर महिन्यात दोन महिन्याला अपघात होत असतात .याबाबत पीडब्ल्यूडी विभागाला अनेक वेळा कळवून सुद्धा त्यांनी एस आकाराचे वळण काढण्याचा प्रयत्न केला नाही.

अचानक एस आकाराचे वळण असल्याने आणि कराड पंढरपूर महामार्ग असल्याने, तर महामार्गाचे काम चांगले झाल्याने सुसाट वेगाने वाहने जात असतात आणि जाता जाता असे अपघात होतात. तर कोणाचे जीव जातात परंतु याकडे पीडब्ल्यूडी विभाग लक्ष देत नाही.

एस आकाराच्या वळणाच्या पूर्वेला व पश्चिमेला गतिरोधक घालण्याची गरज आहे. परंतु येथे गतिरोधक नसल्याने सतत अपघाताची मालिका सुरूच आहे. पीडब्ल्यूडी विभाग आणखी किती जणांचे जीव घेणार आहे.

चौकट – सामाजिक कार्यकर्ते संदीप अनुसे यांच्यामुळे पुढील अनर्थ टाळला. अपघाताचा आवाज होताच त्यांनी घटनास्थळी धाव घेतली. व कोणताही विचार न करता त्या दोघांना बाहेर काढले व 108 ला फोन करून ॲम्बुलन्स व्यवस्था केली.