आटपाडीकरांकडून स्व . आर . आर. आबांना अभिवादन .
आटपाडी दि . १६ ( प्रतिनिधी )
महाराष्ट्राचे माजी उपमुख्यमंत्री, राष्ट्रवादीचे माजी प्रदेशाध्यक्ष कै. आर . आर . आबा पाटील यांच्या पुण्यतिथी दिना निमित्त अंजनी येथील समाधी स्थळावर जावून आटपाडीकरांनी आबांच्या पवित्र आत्म्यास अभिवादन केले .
राष्ट्रवादी काँग्रेसचे आटपाडी तालुका अध्यक्ष हणमंतराव देशमुख, राष्ट्रवादी काँग्रेस पार्टी अल्पसंख्याक विभागाचे प्रदेशचे महासचिव सादिक खाटीक, तालुका राष्ट्रवादीचे उपाध्यक्ष दत्ता यमगर तालुका सरचिटणीस समाधान भोसले, राष्ट्रवादी अपंग सेलचे तालुका अध्यक्ष सोमनाथ लोहार, नवनाथ भोसले यांनी तासगांव तालुक्यातील अंजनी येथे जावून स्व . आर . आर . आबा पाटील यांच्या पवित्र आत्म्यास अभिवादन केले .
निर्मलस्थल या आबांच्या समाधी स्थळावर नतमस्तक होवून फुले वहात सर्वांनी आदरांजली वाहीली व अभिवादन केले . यावेळी राष्ट्रवादीच्या तासगांव कवठेमहांकाळ च्या आमदार श्रीमती सुमनताई पाटील, राज्याचे युवा नेते रोहीतदादा पाटील, जिल्हा मध्यवर्ती बँकेचे संचालक सुरेशभाऊ पाटील, राष्ट्रवादीचे प्रदेश सरचिटणीस तथा खानापूर आटपाडीचे पक्ष निरीक्षक पै . ताजुदीन तांबोळी, ग्राहक न्यायालयाचे माजी न्यायाधीश अॅड. एम . डी . देशमुख, युवा नेते रणजीत देशमुख इत्यादी मान्यवर महोदय उपस्थित होते .
आर आर आबांच्या निवासस्थानी जावून आबांच्या मातोश्रींची भेट घेवून त्यांचे आशिर्वाद घेण्यात आले . यावेळी सौ . रंजनादेवी मारुतराव देशमुख या उपस्थित होत्या .
