आटपाडी वीज वितरण कंपनीच्या अधिकाऱ्याकडून माजी सरपंच व ज्येष्ठ नागरिकास अपमानास्पद वागणूक…. पोलिसात गुन्हा नोंद
आटपाडी प्रतिनिधी
आटपाडी ग्रामपंचायतचे 84 ते 93 या कालावधीमध्ये सरपंच असलेले शिवाजी पाटील यांना आटपाडी येथील वीज वितरण चे अभियंते संजय बालटे यांनी अपमानास्पद वागणूक दिल्याची तक्रार थेट मुख्यमंत्री यांच्याकडे केली आहे.
याबाबत माहिती अशी की माजी सरपंच शिवाजीराव पाटील यांचे वय 82 वर्ष असून त्यांची वडलारजीत जमीन आहे. त्यांच्या विहिरी वरती 2010 मध्ये वीज कनेक्शन जोडले आहे. मात्र 2012 मध्ये विहिरीमध्ये गाळ असल्याने व विहिरीत पाणी नसल्याने विहिरीवरील मोटर काढून घरी आणून ठेवलेली होती. मात्र त्यानंतर आज पर्यंत सरासरी विज बिल आकारले जात आहे.
मीटर रीडिंग न घेता हे विज बिल आकारले जात आहे. हे वीज बिल दुरुस्ती करावी म्हणून आमदार अनिल बाबर यांच्याकडे विनंती केली होती. त्यानुसार आमदार अनिल बाबर यांनी वीज वितरण चे अधिकारी संजय बालटे यांना पंचनामा करून विज बिल कमी करावे अशा सूचना केल्या होत्या .
त्याचबरोबर 9 नोव्हेंबर 2022 ला लेखी अर्ज दिलेला होता त्या अर्जाची सात फेब्रुवारी रोजी संध्याकाळी पाच वाजण्याच्या दरम्यान चौकशी करण्यासाठी वीज वितरण कार्यालयामध्ये गेले असता त्या ठिकाणी असलेले अधिकारी संजय बालटे यांनी अपमानास्पद वागणूक देऊन अपमान केल्याची तक्रार आटपाडी पोलीस स्टेशनमध्ये दिली आहे.
त्याचबरोबर मुख्यमंत्री व प्रधानमंत्री यांच्याकडे सुद्धा तक्रार अर्ज केलेला आहे .सदर अर्जावरती सध्या मुख्यमंत्री कार्यालयाकडून चौकशी करण्यासंदर्भात तहसील कार्यालयापर्यंत अर्ज आलेला आहे.
या संपूर्ण विषयासंदर्भात वीज वितरण चे अधिकारी संजय बालटे यांना विचारले असता. त्यांनी हे सर्व आरोप पूर्णपणे नाकारलेले आहेत. आम्ही ज्येष्ठ नागरिकास कोणतीही वाईट वागणूक दिलेली नाही. कार्यालयामध्ये व कार्यालयाच्या बाहेर सीसीटीव्ही कॅमेरे आहेत चित्रफीत उपलब्ध आहेत असं ते म्हणाले आहेत.
मुख्यमंत्री एकनाथ शिंदे यांच्या आदेशानुसार महावितरण चे अधिकारी संजय बलटे यांची चौकशी होणार का तसेच माजी सरपंच शिवाजीराव पाटील यांना न्याय मिळणार का याकडे सर्व जनतेचे लक्ष लागून राहिले आहे.
