जि. प. शाळा, शेंडेवाडी ता. आटपाडी व अंगणवाडी केंद्र क्र. 166शेंडेमळा यांच्या संयुक्त विद्यामाने जागतिक महिला दिन मोठ्या उत्साहात साजरा करण्यात आला .
यावेळी गावातील बहुसंख्या महिला शाळेत उपस्थित होत्या . प्रथम क्रांतीज्योती सावित्रीबाई फुले यांच्या प्रतिमेचे पूजन गावच्या डेप्युटी सरपंच जयश्रीताई शेंडे , ग्रामपंचायत सदस्या वैष्णवी कोळेकर, वर्कआउटच्या मॅडम राणी भोसले यांच्या हस्ते करण्यात आले ..
तदनंत रमान्यावरांचा सत्कार शाल, श्रीफळ व गुलाब फूल देऊन करण्यात आला . यावेळी शाळेचे मुख्याध्यापक भिमराव शिंदे यांनी जागतिक महिला दिनाचे महत्व व महिलांची कामगिरी याविषयी माहिती दिली . काही महिलांनी महिला दिनाविषयी आपले मनोगत व्यक्त केले . वर्कआउट च्या मॅडम राणी भोसले यांनी महिलांना व्यायामाचे महत्व सांगून त्याचे प्रात्यक्षिक महिलांकडून करवून घेतले . त्यानंतर महिलांची संगीत खुर्ची घेण्यात आली .
यामध्ये झालेल्या अटीतटीच्या सामन्यात अर्चना नवनाथ शेंडे यांनी बाजी मारत संगीत खुर्चीत प्रथम क्रमांक मिळविला , त्यांचा सत्कार उपसरपंच मॅडम यांच्या हस्ते करण्यात आला. यावेळी महिलांची आरोग्य तपासणी राणी मॅडम यांनी करून त्यांना उत्तम आरोग्याच्या काही टिप्स दिल्या . शेवटी कार्यक्रमाचे आभार घोंगडे सर यांनी मानले . यावेळी विशेष सहकार्य अंगणवाडी मॅडम सुनिता शेंडे , संदिशा कोळेकर यांनी केले .
