कोल्हापुरात आठ लाखाची लाच घेताना दोन पोलीस अधिकारी लाचलुचपतच्या जाळ्यात ….
सांगली लाचलुचपत विभागाची कारवाई

कोल्हापुरात आठ लाखाची लाच घेताना दोन पोलीस अधिकारी लाचलुचपतच्या जाळ्यात ….
सांगली लाचलुचपत विभागाची कारवाई

कोल्हापूर येथील जुना राजवाडा पोलीस ठाण्यातील सहाय्यक पोलीस फौजदार नागेश सिद्धराम मात्रे व पोलीस हवालदार रुपेश तुकाराम कुंभार यांना सांगली लाच लुचपत विभागाने तक्रारदाराकडून 8 लाख रुपयाची लाच स्वीकारताना रंगेहात पकडले असून ही कारवाई रात्री अडीच वाजण्याच्या दरम्यान करण्यात आली.

तक्रारदार व त्यांचा मुलगा यांच्या विरोधात पोलीस ठाण्यामध्ये फसवणुकीचा गुन्हा दाखल करण्यासंदर्भात अर्ज दिलेला होता या अर्जावर फसवणुकीचा गुन्हा दाखल होऊ नये यासाठी पोलिसांनी आठ लाख रुपयाची मागणी केली होती. या बाबत तक्रारदार यांनी सांगली लाचलुचपत विभागाकडे 10 मार्च रोजी तक्रार दिली होती.

लाचलुचपत विभागाच्या कार्यप्रणालीप्रमाणे तक्रारीची पडताळणी केली असता सहाय्यक पोलीस इन्स्पेक्टर नागेश मेत्रे व रुपेश कुंभार यांनी आठ लाख रुपयाची लाच मागितल्याचे निष्पन्न झाले. त्यानंतर पोलिसांनी सापळा रचून रात्री लाच स्वीकारत असताना दोन पोलिसांना रंगेहात पकडून अटक केली आहे.

या कारवाईमध्ये पोलीस उपअधीक्षक संदीप पाटील, विनायक भिलारे, पोलीस निरीक्षक पोलीस अंमलदार प्रीतम चौगुले, धनंजय खाडे ,अजित पाटील, ऋषिकेश बडनीकर, अतुल मोरे, रामहरी वाघमोडे, उमेश जाधव, चालक अनिस वंटमोरे तसेच पोलीस उपअधीक्षक सरदार नळे यांनी ही कारवाई केली