मुस्लिम समाज शिक्षणापुरता मागास: प्रो तोहिद मुजावर

प्रख्यात प्लेसमेंट ऑफिसर,प्रेरक वक्ता,आदर्श शैक्षणिक संकुल विटा चे डायरेक्टर प्रो.तोहिद मुजावर यांनी शुक्रवार दि.९ जुन रोजी धावडवाडी येथे सदिच्छा भेट दिली.

या भेटीदरम्यान प्रो तोहिद मुजावर यांनी गावकऱ्यांच्या विनंती खातर मदिना मस्जिद मर्कज येथे विद्यार्थी व पालकांना मार्गदर्शन केले. शिक्षण आणि इस्लाम याचे योग्य कॉम्बिनेशन समजावून सांगितले. ज्या इस्लाम समाजाने ने १४०० वर्षांपूर्वी व त्याही पूर्वी पासुन शिक्षणाचे महत्त्व महत्त्व जगाला पटवून दिले तोच समाज आज शैक्षणिक दृष्टीने मागसलेला आहे.आजच्या घडीला १०वी १२ वी करणार्यांना कोणी महत्त्व देत नाही कमीत कमी पदवीधर व्हायला पाहीजे अस त्यांनी मत मांडले. फक्त शिक्षण असुन पण चालत नाही त्या शिक्षणाला माणुसकीची, आपुलकीची जोड असावी लागते अन्यथा शिक्षण असुन पण माणुस मागासलेलाच राहतो हे सरांनी उदाहरण देऊन सांगितले.

त्यानंतर सरांनी सांगितले की कोणत्याही व्यक्तीची ओळख ही त्याच्या धर्मावरून कि जातीवरून तसेच होत नाही तर त्याची ओळख ही त्याची शैक्षणिक पात्रता व त्याच्या विचारातून होते. त्यामुळे कोणत्याही व्यक्तीने कट्टरपंथी न होता शैक्षणिक दृष्टीने माणुसकीचा आणि आपुलकीचा विचार करून आपल्या व्यक्तीमत्वाचे प्रातिनीधीत्व करावे!
यानंतर धावडवाडी क्रिकेट क्लब आयोजित करण्यात आलेल्या सामन्यात प्रो तोहिद मुजावर सरांनी नाणेफेक करून खेळाची सुरूवात केली आणि सर्व खेळाडूंची आपुलकीने विचारपूस केली.