झरेत सिध्दार्थराज कंप्यूटरमध्ये संगणक कौशल्य विकास प्रशिक्षण मोफत
आटपाडी प्रतिनिधी
झरे ता.आटपाडी येथे सिध्दार्थराज कंप्यूटरमध्ये छत्रपती शाहू महाराज संशोधन ,प्रशिक्षण व मानव विकास संस्था (सारथी) पुणे व एमकेसीएल पुणे यांच्याद्वारे छत्रपती संभाजी महाराज सारथी युवा व्यक्तिमत्त्व विकास व संगणक कौशल्य विकास प्रशिक्षण कार्यक्रम राबविला जात आहे.
या माध्यमातून केवळ मराठा व कुणबी मराठा समाजातील युवकांना व युवतींना मोफत कौशल्य विकासाचे प्रशिक्षण दिले जाणार असुन यासाठी प्रवेश प्रक्रियेस सुरवात झाल्याची माहीती संस्थेचे संस्थापक मा.श्री. आण्णासाहेब कोळेकर यांनी दिली आहे.
या अभ्यासक्रमांतर्गत इंग्लिश कम्युनिकेशन स्किल्स आणि साँफ्ट स्किल्स , बेसीक इन्फाँर्मेशन टेक्नॉलॉजी स्किल्स, अकाऊंटविथ एडवांस टँली विथ एडवान्स एक्सेल , डिझाइनिंग विथ डीटीपी, कोरल ड्राँ आणि फोटोशाँप, वेब डिझायनिंग, हार्डवेअर आणि नेटवर्किंग, डिजीटल फ्रिलान्सिंग यासह विविध विषयाचे प्रशिक्षण दिले जाणार आहे.
संपूर्णपणे मोफत असलेल्या या अभ्यासक्रमाच्या प्रवशासाठी झरे येथील सिध्दार्थराज कंप्यूटर , सांगली जिल्हा मध्यवर्ती बँके समोर झरे या संस्थेमध्ये संपर्क साधावा, असे आवाहन संस्थेचे संस्थापक आण्णासाहेब कोळेकर यांनी केले आहे.
