मुढेवाडी ग्रामपंचायत सातव्यांदा बिनविरोध..
सरपंचपदी प्रवचनकार उज्वला ऐवळे यांची वर्णी… माजी सरपंच अनिल मुढे यांच्या प्रयत्नाला यश
आटपाडी प्रतिनिधी
मुढेवाडी ता. आटपाडी या गावची सार्वत्रिक ग्रामपंचायत निवडणूक बिनविरोध झाली आहे सरपंच पदी प्रवचनकार उज्वला ऐवळे यांची निवड झाली आहे. तालुक्यातील एकमेव ग्रामपंचायत आहे की सात वेळा बिनविरोध होण्याचा विक्रम मुढेवाडी गावाने नोंदवला आहे. ग्रामपंचायत बिनविरोध करण्यासाठी माजी सरपंच अनिल मुळे यांच्या प्रयत्नाला यश आले
यामध्ये सात सदस्य बिनविरोध झाले आहेत .ते पुढील प्रमाणे हिंदुराव दगडू मुढे ,सतीश विलास अनुसे ,काशिनाथ आबा मुढे ,माया किसन मुढे,संगीता मधुकर खोत ,रसवंत हनुमंत मुढे ,कांताबाई विलास मुढे असे सदस्य बिनविरोध निवडून आले आहेत.
यावेळेला माजी सरपंच अनिल मुढे म्हणाले की आमच्या गावामध्ये वाद-विवाद जरी असले तरी आम्ही गावामध्येच मिटवतो. सर्व नागरिक मनमिळावू स्वभावाचे आहेत. अनेक विकास कामांमध्ये सर्वजण आम्ही एकत्रच असतो आणि निवडणूक सुद्धा सातव्यांदा आम्ही बिनविरोध केली आहे. त्यामुळे गावातील नागरिकांचा व गावचा मला अभिमान वाटतो.
आमच्या गावची बिनविरोध निवडणुकीची परंपरा आतापर्यंत चालत आलेले आहे. भविष्यात पुढील काळात सुद्धा बिनविरोधची परंपरा कायमस्वरूपी चालत राहण्यासाठी आम्ही सर्वजण प्रयत्न करणार आहोत असे पोलीस पाटील युवराज मुढे यावेळी बोलताना म्हणाले.
फोटो…सरपंच उज्वला ऐवळे
