आटपाडी तालुक्यातील शेतकऱ्यांना कृषी विभागाकडून किडक्या ,सडक्या बियाणाचे वाटप..
आटपाडी प्रतिनिधी
आटपाडी तालुक्यांमध्ये शेतकऱ्यांना गहूचे बी किडके दिले जात आहे. 6222 नंबरचे महाबीज कंपनीची 40 किलो ची बॅग 1120 रुपयात शेतकऱ्यांना दिली जात आहे. परंतु हे बियाणे कुचके व किडलेले आहे. त्यामुळे शेतकऱ्यांनी बियाणे घेणेस नकार दिला आहे.
कृषी विभागाने आटपाडीतील एका नामवंत खत बियाणे विक्रेत्या दुकानदाराला परमिट दिले आहे. येथून सर्व शेतकरी बियाणे घेऊन जात आहेत .कृषी विभागाकडे नोंद केल्यानंतर कृषी विभाग परमिट देते आणि शेतकरी त्या नामवंत दुकानातून बियाणे खरेदी करत असतात.
हे बियाणे अनुदानामध्ये म्हणजेच 40 किलो ची गव्हाची बॅग ही फक्त 1120 रुपये मध्ये शेतकऱ्यांना मिळत आहे .बाहेर या बियाणाचा दर जास्त प्रमाणात आहे. परंतु कृषी विभागातून अनुदानावरती बियाणे दिले जात आहे.
परंतु कृषी विभागाच्या बेफिकीर वागण्यामुळे अनेक शेतकऱ्यांचे नुकसान होत आहे .शेतकऱ्यांना कुचक्या व बोगस बियाण्याचे वाटप करण्यात येत आहे.
याबाबत मनसे कृषी सेलचे तालुकाध्यक्ष प्रकाश गायकवाड यांनी ही बाब निदर्शनास आणून दिली आहे. ज्या ज्या शेतकऱ्यांना बोगस बियाणे दिले आहे, अशा शेतकऱ्याकडून कृषी विभागाच्या विरोधात नुकसान भरपाईसाठी आंदोलन उभा केले जाईल अशी माहिती गायकवाड यांनी दिली.
शासनाच्या शेतकऱ्यांसाठी अनेक योजना आहेत परंतु निष्क्रिय कृषी तालुका अधिकारी यांच्यामुळे या योजना शेतकऱ्यापर्यंत पोहोचत नाहीत व बियाणे दिले तर ते असे खराब कुचके कुजलेले बियाण्याचे वाटप करण्यात येत आहे.
तरी फसवणूक करणाऱ्या कृषी विभागाच्या सर्व अधिकाऱ्यांची व ज्या दुकानाला परमिट दिले आहे. त्या दुकानदारांचीही चौकशी करण्याची मागणी मनसेचे कृषी सेल चे तालुकाध्यक्ष प्रकाश गायकवाड यांनी केली आहे.
तसेच संबंधित तालुका कृषी अधिकारी व बियाणे विक्रेते यांची चौकशी करून योग्य ती कारवाई करावी व ज्या शेतकऱ्यांचे नुकसान झाले आहे त्यांना भरपाई मिळावी अशी मागणी गायकवाड यांनी केली आहे.
फोटो.. गहूचे कुजके बियाणे
