अंगणवाडी कर्मचाऱ्यांनी किमान वेतनासाठी आम.गोपीचंद पडळकर यांच्याकडे कैफियत मांडली
आटपाडी प्रतिनिधी
आटपाडी तालुक्यातील अंगणवाडी कर्मचारी सेविका मदतनीस व मिनी अंगणवाडी सेविका यांना किमान वेतन मिळावे या मागणीसाठी आमदार गोपीचंद पडळकर यांच्याकडे कैफियत मांडत निवेदन देऊन वेतन मिळण्याची मागणी केली.
संपूर्ण तालुक्यातील सेविका, मिनी सेविका व मदतनीस बेमुदत संपावर गेल्या आहेत त्यामुळे सर्व अंगणवाडी आजचे काम ठप्प राहिले आहे. त्यामुळे कुपोषण बालकावरती परिणाम होत आहे तसेच इतर बालकांनाही पोषण आहार मिळत नाही.
सध्या तालुक्यामध्ये अंगणवाडी व मिनी अंगणवाडी असे एकूण 243 अंगणवाडी कर्मचारी कार्यरत आहेत. यामध्ये 55 मिनी अंगणवाडी आहेत. तर मदतनीस 88 आहेत.हे सर्व कर्मचारी दिनांक 4 डिसेंबर पासून बेमुदत संपावर आहेत.
सध्या महागाईचा भडका वाढला आहे. त्यामध्ये तटपुंज मानधनावर अंगणवाडी सेविका ,मिनी अंगणवाडी सेविका व मदतनीस काम करत आहेत. यामध्ये विद्यार्थ्यांना घरातून घेऊन जाणे. त्यानंतर त्यांना घरी सोडणे दप्तरी रेकॉर्ड भरणे. ऑनलाईन माहिती भरणे .आहार देणे,गरोदर स्तनदा माता यांच्या नोंदी घेणे त्यांना माहिती देणे तसेच त्यांना शासनाचा लाभ मिळवून देणे,तालुक्याच्या ठिकाणी मीटिंगसाठी जाणे अशा अनेक जबाबदाऱ्या अंगणवाडी सेविकांच्यावर आहेत .
यामध्ये त्यांचा संपूर्ण दिवस त्या कामातच जात असतो. त्यामुळे त्यांना घरच्या कामाकडे दुर्लक्ष होत असते. त्यामध्ये तटपुंज्य मानधन असल्यामुळे संसाराचा गाडा कसा चालवायचा हा एक गंभीर प्रश्न त्यांच्यासमोर पडलेला आहे.
या सर्व गोष्टीचा विचार करून अंगणवाडी सेविका मिनी अंगणवाडी सेविका व मदतनीस यांना मानधन नव्हे वेतन द्यावे मगणीसाठी अंगणवाडी सेविका मिनी अंगणवाडी सेविका व मदतनीस आमदार गोपीचंद पडळकर यांना निवेदन दिले आहे.
पेन्शन मंजूर करावी ग्रॅज्युएटी देण्यात यावी वेतनश्रेणी देण्यात यावी शासकीय दर्जा देण्यात यावा मानधना ऐवजी वेतन द्यावे सेविकांना किमान वेतनानुसार 26 हजार रुपये मानधन तर मदतनीस ना 22 हजार रुपये वेतन करण्यात यावे.
अंगणवाडी ताईंचा विषय मार्गी लावावा व मागण्या मान्य करण्यात याव्यात यासाठी महाराष्ट्र राज्य अंगणवाडी कर्मचारी संघाच्या वतीने आमदार पड ळकर यांना निवेदन दिले आहे
सध्या चार डिसेंबर पासून संप सुरू आहे या संपामध्ये सर्व अंगणवाडी कर्मचाऱ्यांनी सहभागी आहेत
जोपर्यंत किमान वेतन मिळत नाही तोपर्यंत अंगणवाड्या बंदच राहणार असल्याचे महाराष्ट्र राज्य अंगणवाडी कर्मचारी संघाच्या तालुकाध्यक्ष मधुमती मोरे यांनी सांगितले.
प्रतिक्रिया
जोपर्यंत किमान वेतन मिळत नाही तोपर्यंत संप सुरूच राहणार आहे. मधुमती मोरे
2. अंगणवाडी ताईंना किमान वेतन मिळण्यासाठी मी विधान परिषदेमध्ये आवाज उठवणार .आम्. पडळकर
फोटो. आमदार गोपीचंद पडळकर यांना अंगणवाडी ताई मागणीचे निवेदन देताना.
