पुणे पालकमंत्री अजितदादा पवार यांना गुंठेवारी बाबतीत मनपाच्या पत्रावर त्वरित निर्णय घेणेबाबत निवेदन !!
जगदीश का. काशिकर,
कायदा (लॉ) / नाेकरी (जाॅब) सल्लागार (कन्सलन्टंट) व मुक्त पत्रकार*, महाराष्ट, व्हाटसअप – ९७६८४२५७५७
पुणे: महाराष्ट्र गुंठेवारी विकास (नियमाधीन करणे, नियंत्रण व विकास ) (सुधारणा ) अधिनियम 2:03:2021 च्या अंमलबजावणी बाबतीत पुणे मनपा आयुक्तांनी नगर विकास विभागाच्या प्रधान सचिवांकडे मार्गदर्शनपर आदेश मिळणेबाबत विनंती केली आहे. मात्र विगत दीड महिन्यात याबाबत राज्य सरकार कडून कोणतेही मार्गदर्शनपर आदेश प्राप्त झालेले नाहीत. त्यामुळे हजारो नागरिक शासन निर्णयाचा लाभ मिळण्यापासून वंचित होत आहेत. शासन आदेशाप्रमाणे नियमित होऊ शकणाऱ्या बांधकामांवर कारवाई ची टांगती तलवार असून अनेक समाजविघातक शक्ती या परिस्थितीचा गैरफायदा घेत असल्याचे ही निदर्शनास आले आहे.बऱ्याचश्या प्रकरणात नागरिकांनी सदनिका खरेदी केल्याअसून त्यांचे हप्ते देखील सुरु झाले आहेत मात्र नियमितिकरण न झाल्याने त्यांच्या बांधकामा चे दस्त नोंदणी होतं नसल्याने सामान्य नागरिक अडचणीत सापडले आहेत. आधीच कोरोनाच्या संकटात लॉकडाउन मुळे सामान्य कुटुंबाचे अर्थचक्र थांबले असून त्यातून शासन निर्णयाचा लाभ मिळतं नसल्याने नागरिक हवालदिल झाले आहेत. पुणे मनपा ने उपस्थित केलेल्या मुख्य मुद्द्यावर त्वरित मार्गदर्शनपर आदेश दिल्यास योग्य होईल.पुणे मनपा ने गुंठेवारी प्लॉट चे नियमितिकरण करताना द्याव्याच्या प्लॉट चे क्षेत्र, अनुज्ञय वापर व अनुज्ञय चटई क्षेत्र निर्देशांकाच्या मर्यादेबाबत विचारणा केली आहे.पुणे मनपा आयुक्तांनी त्यांच्या पत्रात सद्यस्थिती सविस्तर विषद केली आहे. तरी याबाबतचे दिशानिर्देश त्वरित द्यावेत अशी आग्रही विनंती करत आहे.
