उत्तम गुरुजींच्या उत्तम जातीवाचक भाषणाची त्री सदस्य समितीकडून होणार उत्तम चौकशी
समितीला दोन दिवसात अहवाल सादर करण्याचे शिक्षण अधिकाऱ्याचे आदेश
आटपाडी प्रतिनिधी
आटपाडी तालुक्यातील लिंगेवस्ती जिल्हा परिषद शाळेमध्ये नियुक्त असलेले सहशिक्षक उत्तम तायाप्पा जाधव यांची महाराष्ट्र जिल्हा परिषद जिल्हा सेवा वर्तणूक नियम 1967 अंतर्गत चौकशी करण्याचे आदेश सांगली जिल्हा परिषद प्राथमिक शिक्षक विभागाने दिले आहेत
उत्तम जाधव हे जिल्हा परिषद प्राथमिक शाळा लिंगे वस्ती येथे सहशिक्षक म्हणून नियुक्त आहेत मात्र ते मागील दहा वर्षापासून शिक्षक नेते म्हणून त्यांची ओळख निर्माण करत आहेत.ओळख निर्माण करत असताना ते अनेक वेळा राजकीय नेते मंडळींच्या आसपास व राजकीय व्यासपीठावर पाहायला मिळतात .
उत्तम जाधव हे पंढरपूर येथे 6 जानेवारी रोजी माजी मंत्री छगन भुजबळ व महादेवराव जानकर या दोन माजी मंत्र्याच्या ओबीसी मेळावा मंचावरून भाषण करत असतानाची चित्रफीत समाज माध्यमावर प्रसिद्ध झाली होती. याबाबतचे वृत्त प्रसारमाध्यमांमध्ये 15 जानेवारीला प्रसिद्ध करण्यात आले होते या वृत्ताची दखल घेत जिल्हा परिषद प्राथमिक शिक्षण विभाग यांनी सदर घटनेची चौकशी करण्याचे आदेश देण्यात आले आहेत.
यामध्ये त्रिस्तरीय समिती स्थापन केली आहे. यामध्ये तासगावचे गटशिक्षणाधिकारी आबासाहेब लावंड, खानापूर पंचायत समिती येथील प्रभारी गटशिक्षणाधिकारी विकास राजे व सांगली जिल्हा परिषदेतील विस्तार अधिकारी रंगराव आठवले यांच्या समितीला सदर घटनेची चौकशी करून सेवा वर्तणूक नियम व शिस्त आणि अपील यातील तरतुदीनुसार नियमोचित शिस्तभंग विषयक प्रशासकीय कारवाई प्रस्तावित करणे कामी सत्यता पडताळणी करून दोन दिवसात तातडीने अहवाल सादर करावा असा आदेश पारित करण्यात आला आहे.
चौकट
उत्तम गुरुजी हे जिल्हा परिषद शाळा लिंगेवस्ती येथे सहशिक्षक म्हणून काम करतात. शाळेवर कमी आणि बाहेरच्या ऊचापतीमध्ये जास्त असतात अनेक प्रकरणांमध्ये अनेक भानगडी मध्ये त्यांचे नाव येत आहे .त्याच पद्धतीने पंढरपूर मधील मेळाव्यामध्ये दोन माजी मंत्राच्या समोर उत्तम गुरुजींनी उत्तम पद्धतीने भाषण ठोकले .या भाषणाची चित्र फित सोशल मीडियावर प्रसिद्ध झाल्यानंतर व वर्तमानपत्रांमध्ये बातम्या प्रसिद्ध झाल्यानंतर शिक्षण विभागाने चौकशीचे आदेश दिले आहेत.
