उसाला 3000 रुपये दरासाठी स्वाभिमानी शेतकरी संघटनेचा 5 फेब्रुवारीला राजेवाडी साखर कारखान्यावर मोर्चा..
आटपाडी प्रतिनिधी
सांगली जिल्ह्यातील सर्व साखर कारखाने 3000 पेक्षा जास्त दर देतात मात्र श्री श्री रविशंकर कारखाना राजेवाडी मात्र 2700 दर देत आहे.तसेच ज्या शेअर्स धारक सभासदाच्या जीवावर कारखाना उभा राहिला त्याचा ऊस ही तोडत नाही. त्यामुळेच वाढीव ऊस दर द्यावा आणि सभासदाचा ऊस प्राधान्याने तोडावा या मागणीसाठी सोमवार दिनांक 5 फेब्रुवारी रोजी राजेवाडी कारखान्यावर मोर्चा काढण्याचा इशारा स्वाभिमानीचे जिल्हाध्यक्ष महेश खराडे यांनी दिला आहे.
आटपाडी तालुक्यात 8 फेब्रुवारी पासून जन आक्रोश संवाद यात्रा काढणार असल्याची घोषणा महेश खराडे यांनी केली
आटपाडी तालुक्यातील दिघंची येथे आयोजित बैठकीत ते बोलत होते .यावेळी बोलताना महेश खराडे म्हणाले तालुका पिढ्यान् पिढ्या दुष्काळी तालुका होता मात्र अलीकडे टेंभू योजनेचे पाणी आले ऊस शेती मोठ्या प्रमाणात वाढली मात्र कवडी मोल दराने ऊस द्यावा लागतो .
माणगंगा कारखाना बंद आहे तर श्री श्री रविशंकर कारखाना राजेवाडी कारखाना तालुक्यातील ऊस तोडत नाही ही शोकांतिका आहे
श्री श्री रविशंकर साखर कारखाना वगळता जिल्ह्यातील सर्व साखर कारखाने 3000 पेक्षा जास्त दर देतात मात्र हा कारखाना 2700 रुपये दर देतोय. 300 ते 400 रुपये शेतकऱ्याचा तोटा होतोय तसेच तालुक्यातील शेतकऱ्याचा ऊस तोडणी करत नाहीत.
हा शेतकऱ्यावर अन्याय आहे .या अन्याया ला वाचा फोडण्या बरोबरच ऊस तोडायला द्यायला द्यावे लागणारे पैसे बंद झाले पाहिजेत, तसेच साखर उताऱ्यातील चोरी थांबली पाहिजे, वजनातील काटा मारी थांबली पाहिजे यासह अन्य मागण्यासाठी सोमवार दिनांक 5 फेब्रुवारी रोजी मोर्चा काढण्यात येणार आहे तरी या मोर्चात मोठ्या संख्येने उपस्थित राहावे
याशिवाय डाळींब ,दूध आणि ऊस प्रश्नावर जन जागृती करण्यासाठी तालुक्यात गुरुवार दिनांक 8 फेब्रुवारी पासून जन आक्रोश संवाद यात्रा काढण्यात येणार आहे . या यात्रेत आम्ही सर्व गावात जाणार आहोत गावागावात जावू, बांधा पर्यंत जावून शेतकरी आणि सर्व सामान्य माणसा पर्यंत जावून संवाद साधणार आहोत .
यावेळी जीवन मोरे, जगन्नाथ मोरे, विजय माने यांनी मार्गदर्शन केले या बैठकीला सचिन शिंगाडे, दिलीप ढोले, आबा सावंत, नंदकुमार माने विजय शिरकांडे, हिरुलाल मुलाणी, धोंडीबा काळे, सय्यद मुलाणी, सागर माने सखाराम डुळगे, सुरेश शिरकांडे मनोहर माने, अक्षय तावरे, राजेंद्र पाटील, बाळासो खरमाटे, संदीप शिरोटे आदीसह अन्य उपस्थित होते
फोटो.. दिघंचीतील बैठकीत महेश खराडे व शेतकरी
