आटपाडी तहसिल कार्यालयातील रिक्त पदे भरावीत.. अन्यथा आंदोलन……
मुख्यमंत्री ,महसूल मंत्री यांचेकडे संतोष हेगडे यांची निवेदनाद्वारे मागणी
आटपाडी प्रतिनिधी
आटपाडी तालुका आटपाडी येथील तहसील कार्यालयातील रिक्त पदे तातडीने भरावीत अशी मागणी बहुजन समाज पार्टी खानापूर-आटपाडी विसापूर मतदार संघाचे अध्यक्ष संतोष हेगडे यांनी मुख्यमंत्री व महसूल मंत्री यांच्याकडे निवेदनाद्वारे मागणी केली आहे या निवेदनामध्ये म्हटले आहे की आटपाडी तहसील कार्यालयातील रिक्त पदे असल्याने अनेक खाजगी उमेदवारांना येथे कामासाठी घेतले जाते व या खाजगी उमेदवाराकडून शेतकऱ्यांना नाहक त्रास होत असलेल्या अनेक तक्रारी आहेत.
यामध्ये रिक्त पदे पुढीलप्रमाणे
१) महसूल विभाग – क्लार्क -१, नायब तहसीलदार – १,
२) पुरवठा विभाग – क्लार्क-२, नायब तहसीलदार – १
३) संजय गांधी विभाग क्लार्क-१, नायब तहसीलदार – १,
४) निवडणूक विभाग – क्लार्क-१, नायब तहसीलदार – १,
५) रोजगार हमी विभाग – क्लार्क-१, नायब तहसीलदार – १,
६) तलाठी-५,
७) कोतवाल -५,
८) शिपाई – ३,
अशी वरील प्रमाणे तहसिल कार्यालयामध्ये एकूण २४ रिक्त पदे आहेत.
या रिक्त पदामुळे तहसील कार्यालयामध्ये मनुष्य बळ कमी पडत आहे. त्यामुळे जन सामान्य लोकांना शासकीय कामासाठी त्रास होत आहे.
शासकीय दाखले, उतारे, वारस नोंद, दस्त नोंद तसेच संजय गांधी योजनेच्या कामासाठी तसेच रेशन कार्ड सबंधित कामासाठी कर्मचारी कमी असल्यामुळे विलंब लागत आहे .
त्यातच तालुका दुष्काळग्रस्त आहे. प्रशासनाने सुद्धा कमी प्रमाणात कर्मचारी ठेवून तहसील कार्यालय सुविधा अभावी दुष्काळग्रस्त केला आहे. या तालुक्यामध्ये सामान्य माणसाला, शेतकरी वर्गाला निसर्गाने पाण्या अभावी वंचित ठेवले आहे. त्याच प्रमाणे राजकीय नेत्यांनी व प्रशासनाने सुद्धा या जनसामान्य माणसाला शासकीय कामापासून वंचित ठेवले आहे.
त्यामुळे या सर्व गोष्टींचा विचार करून तालुक्यातील जन सामान्य माणसांची कामे जलदगतीने होण्यासाठी आपण त्वरित रिक्त पदे भरावित अशी मागणी केली आहे. रिक्त पदे न भरल्यास लोकशाही मार्गाने आपल्या कार्यालायावर तीव्र प्रकारचे जोडे मारो आंदोलन करण्यात येईल याची जाहीर नोंद घेण्यात यावी. अशी मागणी बहुजन समाज पार्टी खानापूर-आटपाडी विसापूर मतदार संघाचे अध्यक्ष संतोष हेगडे यांनी मुख्यमंत्री व महसूल मंत्री यांच्याकडे निवेदनाद्वारे मागणी केली आहे .
