जागतिक मेंदू दिनानिमित्त ॲबॅकसचे मार्गदर्शन; नव महाराष्ट्र विद्यालयात स्व.अजितदादांना अभिवादन
मायणी: प्रतिनिधी
चितळी ता.खटाव येथील नव महाराष्ट्र विद्यालयात जागतिक मेंदू दिन तसेच महाराष्ट्राचे माजी उपमुख्यमंत्री मा. अजितदादा पवार यांच्या जयंतीनिमित्त विविध शैक्षणिक व प्रबोधनपर उपक्रम उत्साहात पार पडले.
या कार्यक्रमांद्वारे इयत्ता पाचवी ते दहावीच्या विद्यार्थ्यांना बौद्धिक विकास, गतिमान गणिती कौशल्य तसेच प्रेरणादायी नेतृत्वाची माहिती देण्यात आली.जागतिक मेंदू दिनानिमित्त आयोजित कार्यक्रमात देशमुख मॅडम यांनी विद्यार्थ्यांना ॲबॅकसचे महत्त्व पटवून देत कमी वेळेत गणिती क्रिया अचूक व वेगाने कशा सोडविता येतात,
याविषयी सविस्तर मार्गदर्शन केले. विद्यार्थ्यांच्या बौद्धिक क्षमतेचा विकास, स्मरणशक्ती वाढविणे, एकाग्रता सुधारणे आणि गणिताची भीती दूर करण्यासाठी ॲबॅकस पद्धती अत्यंत उपयुक्त असल्याचे त्यांनी सांगितले.याच दिवशी महाराष्ट्राचे माजी उपमुख्यमंत्री मा. अजितदादा पवार यांच्या जयंतीनिमित्त विशेष कार्यक्रमाचे आयोजन करण्यात आले. विद्यालयातील सौ. हांगे मॅडम यांनी अजितदादा पवार यांच्या जीवनकार्य, विकासाभिमुख नेतृत्व, समाजकारण आणि लोकहितासाठी केलेल्या कार्याचा आढावा घेत विद्यार्थ्यांना मार्गदर्शन केले.
“कामाचा माणूस” म्हणून त्यांची राज्यभर ओळख असून, त्यांच्या कार्यातून विद्यार्थ्यांनी प्रेरणा घ्यावी, असे आवाहन त्यांनी केले.कार्यक्रमाच्या प्रारंभी प्रभारी मुख्याध्यापक श्री. हांगे सर यांच्या हस्ते मा. अजितदादा पवार यांच्या प्रतिमेचे पूजन करण्यात आले तसेच देशमुख मॅडम यांचे स्वागत करण्यात आले. कार्यक्रमाचे आभार श्रीमती गोसावी मॅडम यांनी मानले.
यावेळी श्री. कोळेकर सर, सौ.धेंडे मॅडम, सौ.हांगे मॅडम, सौ.कोळी मॅडम,सौ. धोंगडे मॅडम, सर्व शिक्षक, शिक्षकेतर कर्मचारी तसेच इयत्ता आठवी ते दहावीचे विद्यार्थी मोठ्या संख्येने उपस्थित होते. विद्यार्थ्यांनी दोन्ही कार्यक्रमांना उत्स्फूर्त प्रतिसाद देत मार्गदर्शनाचा लाभ घेतला.फोटो – चितळी येथील नव महाराष्ट्र विद्यालयातॲबॅकस मार्गदर्शन कार्यक्रमात महाराष्ट्राचे माजी उपमुख्यमंत्री स्व.अजितदादा पवार यांच्या जयंतीनिमित्त प्रतिमापूजन करताना प्रभारी मुख्याध्यापक श्री. हांगे सर व उपस्थित शिक्षक.
