आटपाडी पंचायत समिती महिला सदस्याच्या शेताचे ३० लाखाचे नुकसान .
आटपाडी तालुका पंचायत समितीच्या सदस्या, . उषाताई कल्लाप्पा कुटे यांच्या परिवाराच्या शेतात बंदुक तलवार काठ्यांनी धुमाकुळ घालत सुमारे ३५ जणांनी २ हजार आंब्याची बाग, ५ हजार ड्रॅगन फ्रुट ची बाग नष्ट करीत २५ ते ३० लाख रुपयेचे नुकसान करण्यात आले आहे . सांगोला तालुक्यातील कटफळ गावच्या हद्दीतील.कुटे यांच्या परिवाराच्या शेतात हा प्रकार घडला आहे .
उषाताई कल्लाप्पानाना कुटे यांच्या सुनबाई कविता नवनाथ कुटे यांनी सांगोला पोलीस स्टेशनला दिलेल्या फिर्यादी नुसार प्रशांत राक्षे (पंढरपुर ), नागेश शिवाजी घोडके (बोहाळी ता . पंढरपूर ), विजय राक्षे ( दिघंची ता . आटपाडी ), नितीन कुरूळे ( उघडेवाडी ता . माळशिरस ) दत्ता घोडके ( रा .बोहाळी ता . पंढरपूर ) यांच्या सह आणखी अज्ञात ३० जणांविरुद्ध गुन्हा नोंदविण्यात आला आहे .
दि . २२ सप्टेंबर रोजी दुपारी ३५ लोकांनी टेम्पों दुचाकी वरून कटफळ येथील कविता कुटे यांच्या शेतात येथून तेथील . सविता कुटे यांच्या सह रंजना शिवाजी काळेल, कल्पना अजिनाथ कुटे, संगिता गणेश कुटे, . उषाताई कल्लाप्पा कुटे महिलांना शिवीगाळ धमकी देत राहुल भानुदास काळेल याला मारहान केली .
बंदूक, तलवार, काठ्यां – दांडक्यांचा धाक दाखवत शेतात पुन्हा यायचे नाही असे त्यांना धमकावले .
कविता कुटे यांच्या फिर्यादी नुसार गट नं. ३७१ मधील जमिनीच्या विषयावर वादंग आहे . या शेतात कुटे परिवाराने लावलेल्या बागेतील ड्रॅगन फ्रुट, व आंब्याची एकूण ७ हजार झाडे, या झाडा सोबतचे सिमेंटचे खांब पाडून प्रशांत राक्षे, नागेश घोडके, विजय राक्षे यांच्यासह मोठ्या संख्येने आलेल्या जमावाकडून सुमारे २५ ते ३० लाख रुपयाचे नुकसान करण्यात आले .
. कविता नवनाथ कुटे यांनी सांगोला पोलीस स्टेशनला दिलेल्या फिर्यादी नुसार ज्ञात ५ जणांसह अज्ञात ३० जणांविरुद्ध गुन्हा दाखल करण्यात आला आहे . या गुन्ह्याचा तपास एपीआय राजुलकर करीत आहेत .
पार्वती शंकर पाटोळे यांच्या नावे असलेल्या कटफळ हददीतील गट नं. ३७१ या शेत जमिनी मध्ये कुळ असलेल्या कल्लाप्पा कुटे परिवाराची ७५ वर्षापासून कब्जा व वहीवाट आहे . पार्वती पाटोळे यांचे पंधरा वर्षापूर्वी निधन झाले आहे . त्यांना कोणी वारस नसल्याने सदरची जमीन कुळ हक्काने आपल्या नावे करून मिळण्यासाठी कुटे यांनी सांगोला तहसीलदार यांचेकडे अर्ज केला आहे .
तथापि पार्वती शंकर पाटोळे नावची खोटी महिला उभी करून सदर जमीनीचा दस्त काही महिन्या पूर्वी करून ही जमीन ताब्यात घेण्यासाठी कुटे विरोधकांचा वारंवार प्रयत्न सुरू आहे . या खोट्या दस्त ऐवजा बाबतही आपण सोलापूर चे जिल्हाधिकारी, जिल्हा पोलीस प्रमुख, उपविभागीय अधिकारी महोदयांकडे तकार केल्याचे राष्ट्रवादी काँग्रेसचे ज्येष्ट नेते कल्लाप्पा नाना कुटे यांनी सांगीतले .
