शिक्षक बँक सभासदाच्या पाठिशी : माजी मंत्री महादेव जानकर
बापूसाहेब मिसाळ
वरकुटे – मलवडी – प्रतिनिधी
प्राथमिक शिक्षक सहकारी बँक सभासदाच्या हिताचे अनेक उपक्रम राबवित आहे . प्राथमिक शिक्षकाना आर्थिक दृष्ट्या समृद्ध करण्याचे काम शिक्षक बँक करीत आहे . सहकार चळवळ उत्तम रीतीने चालवली तर अनेकांना त्याचा फायदा होतो. त्यामुळे शिक्षक बँकेने या सहकारी चळवळीला अधिक बळ देऊन शिक्षकांची उन्नती साधावी असे मत राष्ट्रीय समाज पक्षाचे अध्यक्ष माजी मंत्री आ. महादेव जानकर यांनी व्यक्त केले.
आ.महादेव जानकर हे माण तालुक्याच्या दौऱ्यावर होते. त्यावेळी त्यांनी प्राथमिक शिक्षक सहकारी बँकेच्या दहिवडी शाखेस भेट दिली. यावेळी शिक्षक बँकेचे व्हा. चेअरमन महेंद्र अवघडे , बबनदादा वीरकर उपस्थित होते.
बबनदादा वीरकर यांनीही बँकेच्या कामकाजविषयी कौतुक केले. यावेळी महेश कुचेकर, विश्वास अर्जुन,कामिनी शिलवंत, सुभाष जगदाळे, विलास जगदाळे , सेवक आदी मान्यवर उपस्थित होते.
