आटपाडीच्या उप कार्यकारी अभियांत्याची तालुक्यातून हकालपट्टी करा – शेखर रणदिवे

आटपाडी प्रतिनिधी–

आटपाडी तालुक्यातील महाराष्ट्र राज्य विद्युत महामंडळ चे उपकार्यकारी अभियंता संजय बालटे यांची संपूर्ण दफ्तरी चौकशी करावी तसेच त्यांच्या खासगी मालमत्तेची कसून चौकशी करण्याची मागणी दलित नेते शेखर रणदिवे यांनी अधीक्षक अभियंता महाराष्ट्र विद्युत महामंडळ सांगली यांच्याकडे निवेदनाद्वारे मागणी केली आहे. सध्या आटपाडी तालुक्यातील महाराष्ट्र राज्य विद्युत महामंडळ मधील उपकार्यकारी अभियंता संजय बालटे यांची अनेक वर्षानुवर्षे बदलीच का होत नाही, असा सवाल निवेदनात केला आहे.

सध्या आटपाडी तालुक्यातील शेतकरी व नागरिक पहिल्यांदा अतिवृष्टीच्या या निसर्ग संकटातून,कोरोना च्या महासंकटातून बाहेर पडत आहेत. त्यातच वीज बिलाच मोठं संकट त्यांच्या समोर आ… वासून उभा आहे, महा विकास आघाडी सरकारने वीजबिल माफी न दिल्याने शेतकरी राजाला फसवलं आहे .
आटपाडीचे उप कार्यकारी अभियंता हें शेतकरी व व्यापारी यांची वीज बिले स्वतःच्या मनमानी कारभाराने ( दादागिरीने) पाहिजे तेव्हा तोडतात, व पाहिजे तेव्हा जोडतात, एखादी व्यक्ती त्यांना विनंती करायला गेली, तर त्या व्यक्तीला दादागिरीची भाषा करुन, उडवा उडवीची उत्तरे देऊन तेथून अपमानित करुन पाठवले जाते.

शिवाय संबंधित अभियंता वर्षानुवर्षे स्वतःच्याच तालुक्यात राजकीय वशिल्याने तग धरून राहिले आहेत. इकडे शेतकरी कष्टकरी व्यापारी कर्जबाजारी होत आहेत. पण एकीकडे उपकार्यकारी अभियंत्याची मात्र खासगी मालमत्ता दिवसेंदिवस वाढतच चालली आहे, याचे रहस्य काय??
यामुळे यांच्या कुटुंबाच्या खासगी मालमत्तेची तातडीने चौकशी करावी व उपकार्यकारी अभियंता एकाच ठिकाणी वर्षानुवर्षे ठाण मांडून कसे राहू शकतात?? त्यांना कोणाचा आशीर्वाद आहे. याची संपूर्ण चौकशी करुन दोषी आढळून आल्यास या भ्रष्टाचारी अभियंत्याला तातडीने निलंबित करावे अशी मागणी शेखर रणदिवे यांनी निवेदनाद्वारे केली आहे.

संबंधित निवेदनाची प्रत ऊर्जा मंत्री डॉ. नितीन राऊत , आम.गोपीचंद पडळकर,ऊर्जा प्रधान सचिव दिनेश वाघमारे , जिल्हा अधिकारी सांगली, पोलीस प्रमुखसो सांगली ,कार्यकारी अभियंता विद्युत महामंडळ विटा, तहसीलदार आटपाडी,उपकार्यकारी अभियंता विद्युत महामंडळ आटपाडी या सर्वांना देण्यात आली आहे.

यामुळे संबंधित उपकार्यकारी अभियंता यांचे प्रशासन काय करणार याकडे शेतकरी, व्यापारी व सर्वसामान्य जनतेच्या लक्ष लागून राहिले आहे.