सिंधुताई सपकाळ यांच्या मानसकन्या सिमाताईंचे सामाजिक काम कौतुकास्पद .
जेष्ठ साहित्यिक सुनील दबडे .अनाथांची माई सिंधुताई यांच्या मानसकन्या सिमाताई पाटील यांचे समाजकार्य कौतुकास्पद आहे . असे मत जेष्ठ साहित्यिक सुनील दबडे यांनी व्यक्त केले .
आटपाडी तालुक्यातील हिवतड येथील सामाजिक कार्यकर्ते ऋषिकेश साळुंखे यांच्या वाढदिवसानिमित्त आयोजित कार्यक्रमांत सुनील दबडे बोलत होते .
यावेळी व्यासपिठावर सिंधुताई सपकाळ यांच्या मानसकन्या सिमाताई पाटील , नागपूरच्या सिंधुताईंच्या आश्रमातील गो संरक्षक म्हणून काम पाहणाऱ्या शिला येवले, वसंतदादा दूध संघ सांगलीचे चेअरमन विष्णुपंत पाटील , आटपाडी तालुक्याचे भाजपा अध्यक्ष उमाजी सरगर, गलाई व्यावसायिक आणि सामाजिक कार्यकर्ते राजेंद्र पाटील , गोमेवाडीच्या सामाजिक कार्यकर्त्या सौ कुलकर्णी , दिगंबर साळुंखे, विजय कोरे , पुजा साळुंखे, माणगंगा हायस्कूल हिवतडचे मुख्याध्यापक तात्या पाटील होते .
माणगंगा हायस्कूलचे विद्यार्थी , शिक्षक आणि ग्रामस्थ यांच्या उपस्थितीत वाढदिवसाचा कार्यक्रम चांगला रंगला . रक्तदान शिबीरासह अनेक सामाजिक उपक्रमांचे वाढदिवसानिमित्त आयोजन करण्यात आले होते .
यावेळी बोलताना दबडे पुढे म्हणाले की, सिंधुताईंच्या आश्रमाचे संपूर्ण व्यवस्थापन करण्याबरोबरच सिमाताई समाज प्रबोधन करीत आहेत .
यावेळी प्रमुख मार्गदर्शक म्हणून सिमाताई पाटील यांनी उपस्थितांचे प्रबोधन केले .
विद्यार्थ्यांनी छत्रपती शिवाजी महाराज , संभाजी महाराज , राजमाता जिजाई , भारताचे माजी राष्ट्रपती आणि थोर वैज्ञानिक अब्दुल कलाम यांचे आदर्श घ्यावेत . यावेळी त्यांनी सिंधुताईबद्दल कृतज्ञता व्यक्त केली .
विद्यार्थ्यांची वैयक्तीक स्वच्छता, सामाजिक स्वच्छता, अभ्यास यासह विविध चांगल्या गोष्टी विद्यार्थ्यांनी आचरणात आणून स्वतःचे व्यक्तीमत्व घडवावे असे आवाहनही यावेळी सिमाताईंनी विद्यार्थ्यांना केले .
यावेळी बोलताना सिमाताई पुढे म्हणाल्या की , जो समाजसेवक स्वतःच्या घरापासून व स्वतःपासून सुधारणेची सुरुवात करतो व मग समाज सुधारतो तो खरा समाजसुधारक असतो .
यावेळी विष्णुपंत पाटील , राजेंद्र पाटील यांनी आपले मनोगत व्यक्त केले . सर्वांनी रुषिकेश साळुंखे यांच्या सामाजिक कामाचे कौतुक करून त्यांच्या भावी वाटचालीस शुभेच्छा दिल्या .
