l कोल्हापूर दि. २६ ( माणगंगा प्रतिनिधी कमल धडेल )
श्री . क्षेत्र जोतिबा डोंगरावर शनिवार दि . २७ रोजी . काळभैरव जन्म काळ सोहळा संपन्न होणार असून भाविकांनी दर्शनाचा लाभ घ्यावा असे आवाहन काळभैरव मंदिराच्या पुजाऱ्यानी केले आहे .
जोतिबा मंदिरात काळभैरव जन्मकाळ सोहळ्या निमित्त विविध धार्मिक कार्यक्रम होणार आहेत . सोमवारी पहाटे ४ वाजता घंटानाद ४ते ५ पाद्य पूजा ५ले६ काकड आरती सकाळी ६ते९ लघु रुद्र अभिषेक ९ते१० पोषाख व अलंकार महापूजा १०ते१ पुण्य हवाचन , मातृकापूजन ‘ नवग्रह पुजन ,क्षेत्रपाल पुजन , होमहवन होणार आहे . दुपारी २ते ५ला भजनी मंडळ ‘डवरी गीते कार्यक्रम होणार आहे . सांयकाळी ६ ला श्री . काळभैरव जन्म काळ सोहळा होईल . सुंटवडा वाटप करून फटाक्यांची आतिषबाजी होईल . भाविकांना प्रसाद वाटप होणार आहे . रात्री भावगीत व भक्तीगीताचा कार्यक्रम सादर होणार आहे . तरी भाविक भक्तांनी यांचा लाभ घ्यावा असे आवाहन श्री . काळभैरवाचे मुख्य खंडकरी तुषार झूगर यांनी केले आहे . श्री . काळभैरव जयंती सोहळ्याची पूर्वतयारी जोरात सुरू आहे . मंदिराची रंगरंगोटी , सभा मंडप ‘ विद्युत रोषणाई करण्यात पुजारी खंडकरी व्यस्त आहेत .
