ग्रामीण साहित्यिक प्रा . सुनील दबडे यांना राज्यस्तरीय साहित्यिक पुरस्कार .
आटपाडी तालुक्यातील गोमेवाडी गावचे ग्रामीण साहित्यिक प्रा . सुनील दबडे यांना ईगल फाऊंडेशनतर्फे दिला जाणारा सन २०२१ चा राज्यस्तरीय साहित्यिक पुरस्कार जाहीर झाला आहे . ईगल फाऊंडेशनचे अध्यक्ष विलासराव कोळेकर यांनी नुकतेच प्रा दबडे यांना पुरस्कार निवडीचे पत्र दिले आहे .
पंढरपूर येथील सिंहगड कॉलेजच्या एसी सेमिनार हॉलमध्ये रविवार दिनांक २६ डिसेंबर रोजी कार्यगौरव सोहळ्यात प्रा . दबडे यांना मानपत्र व सन्मानचिन्ह देऊन गौरविण्यात येणार आहे .
प्रा सुनील दबडे यांची चार पुस्तके प्रसिद्ध असून त्या पुस्तकांना यापूर्वी राज्यस्तरावरचे प्रतिष्ठेचे अनेक साहित्य पुरस्कार प्राप्त झाले आहेत . त्यांची तीन पुस्तके प्रकाशनाच्या मार्गावर आहेत . प्रा दबडे यांनी कोंडये (कोकण) व जागुष्टे रत्नागिरी येथील बालकुमार साहित्य संमेलनांची अध्यक्षपदे भुषविली आहेत . बालकुमार साहित्य संमेलन व ग्रामीण साहित्य संमेलनांचे त्यांनी यापूर्वी यशस्वी संयोजन केले आहे .
राज्यातल्या अनेक साहित्य संमेलनात त्यांना काव्यवाचनासाठी तसेच परिसंवादासाठी यापूर्वी निमंत्रित करण्यात आले आहे . गेली २५ वर्षे जनप्रबोधनाचे काम सुरु आहे . अंधश्रद्धा या विषयांसहीत अनेक विषयांवर त्यांनी जिल्हयात व जिल्हया बाहेर व्याख्यानाचे कार्यक्रम केले आहेत . कोविड काळात त्यांनी केलेल्या जनप्रबोधनाच्या कार्यक्रमाची दखल Tv9 सहीत अनेक मराठी वाहिन्यांनी व माणदेशी एफएम रेडिओने घेतली आहे . त्यांचे अनेक जनप्रबोधनाचे कार्यक्रम आकाशवाणीवरून प्रसारित झाले आहेत
. वृत्तपत्रातून व दिवाळी अंकातून त्यांनी विविध विषयांवर लेखन केले आहे .
अखिल भारतीय साहित्य संमेलन व अखिल भारतीय बालकुमार साहित्य संमेलनात साहित्यिक कार्यक्रम सादर करण्यासाठी यापूर्वी त्यांची निवड झाली होती .
त्यांना मिळालेल्या राज्यस्तरीय साहित्यिक पुरस्काराबद्दल त्यांचे विविध क्षेत्रातल्या नामवंतांनी कौतुक केले आहे .
