मायणी गटात शेतकऱ्यांसाठी धावली “शिवसेना”
विशाल चव्हाण यांनी घेतला हाती “भगवा”
मायणी :- सतीश डोंगरे
कोरोना,अवकाळी पाऊस,बाजारात नसलेला शेतीमालाला दर यामुळे पिचलेला शेतकरी ,यातच भर म्हणून वीज कंपनीने विजबिलापोटी ऐन पिकाच्या हंगामात लाईट कनेक्शन तोडण्याचा घाट घातल्याने भागातील शेतकरी अडचणीत आला होता.यावेळी मायणी गटातील शिवसेना शेतकऱ्यांच्या मदतीला धावून आल्याने महिनाभरापासून खंडित झालेला शेतीपंपाचा वीजपुरवठा वीज वितरण कंपनीने तातडीने सुरळीत केल्याने मायणी जि प गटातील शेतकऱ्यांनी शिवसेनेचे मायणी गट प्रमुख विशाल चव्हाण यांचे आभार मानले आहेत.
सध्या सर्वत्र कोरोना काळ आणि गावातील वीज वितरण कंपनीचा बोलबाला सुरू आहे. याचे कारण,कोरोनाचा नवीन संक्रमण व्हायरसामुळे सर्वत्र भीतीने वातावरण पसरले आहे . तर मायणी परिसराबरोबरच सर्वत्र शेतीपंपाच्या लाईट बिलाचा प्रश्न ऐरणीवर आला आहे. वीज वितरण कंपनीने कनेक्शन तोडण्याचा आक्रमक पवित्रा घेतला आहे.
अगोदरच प्रतिकूल परिस्थितीमुळे शेतकऱ्यांच्या आत्महत्यांच्या अनेक घटना घडल्याने महाराष्ट्रातील सर्व राजकीय पक्षांकडून एकमेकांवर होणारा आरोपप्रत्यारोप सर्व जनतेने पहिला आहे.
विद्यमान मुख्यमंत्री उद्धव ठाकरे यांच्या कार्यप्रणालीला पाहून प्रेरित होऊन शिवसेनेची वाट धरलेले मायणी येथील सामाजिक कार्यकर्ते विशाल चव्हाण यांच्यावर महाराष्ट्राचे गुहराज्यमंत्री ना.शंभूराजे देसाई,शिवसेनेचे उपनेते नितीन बानुगडे-पाटील व जिल्हाध्यक्ष चंद्रकांत जाधव ,संपर्कप्रमुख शंकरभाई वीरकर यांनी मायणी जिल्हा परिषद गट विभाग प्रमुख पदी निवड केली. सदर निवड झाल्यापासून विशाल चव्हाण यांनी मायणी गटातील मायणी, चितळी, विखळे,मुळीकवाडी, पडळ, कलेढोण,पाचवड या प्रमुख गावासह संपूर्ण गटात शेतकऱ्यांच्या भेटी घेऊन विविध समस्यांचा आढावा घेतला.
यानंतर त्यांनी शेतीच्या ऐन हंगामात महत्वपूर्ण असलेल्या शेतकऱ्यांच्या शेती पंप लाईट कनेक्शन बंद असल्याने त्याकडे तातडीने लक्ष देऊन संबंधित अधिकारी ठेकेदार यांना जाब विचारात शासकीय नियमांचे पालन करीत शेतकऱ्यांच्या पोटावर पाय देण्याचे काम न करता, त्यांना सहकार्य करून बळ देण्याचे ठणकावून सांगितले.
विशाल चव्हाण यांच्या या आक्रमक पावित्र्याची धास्ती घेत विखळे येथील महिनाभरापासून जळाल्यामुळे बंद असलेला वीज वितरण डीपी अवघ्या तीन तासात सुरळीत केल्याने याअगोदर वीज नसल्याने पाण्याविना जळून जाणाऱ्या पिकाकडे हतबल होऊन होणाऱ्या संबंधित शेतकऱ्यांच्या डोळ्यात आनंदाश्रू आले.
याच बरोबर विशाल चव्हाण यांनी कलेढोण,मुळीकवाडी,पाचवड या गावातही वीज वितरण मंडळास शेतीपंप वीज पुरवठा सुरू केला असून ,झेडपी गटांमधील बंद कुपननलिका दुरुस्ती करून घेतल्या आहेत.
शिवसेनेने आपल्यावर दाखवलेल्या विश्वासाचा व पदाचा योग्य वापर करून प्रत्येक नागरिकांसाठी व सर्वसामान्य शेतकऱ्यांच्या हितासाठी एक शिवसैनिक म्हणून स्व.बाळासाहेब ठाकरे साहेबांच्या विचाराने कार्यरत राहून शिवसेना प्रमुख व मुख्यमंत्री उद्धव ठाकरे यांच्या नेतृत्वात घर तेथे शिवसैनिक तयार करण्यासाठी मी प्रयत्नशील असल्याचे मायणी गट विभाग प्रमुख विशाल चव्हाण यांनी सांगितले. यंदा पर्जन्यमान चांगले झाल्याने पाण्याची उपलब्धता मुबलक आहे परंतु गेल्या महिनाभरापासून डीपी जळाल्यामुळे बंद होता.या कारणाने गहू,हरभरा,ऊस,ज्वारी ही पिके वाळून जाण्याची भीती आम्हाला होती.वारंवार डीपीदुरुस्ती करण्यासाठी आम्ही वीज कंपनीला विनवण्या करीत होतो परंतु काम केले जात नव्हते, शिवसेनेचे विशाल चव्हाण यांनी याची दखल घेऊन केलेल्या पाठपुराव्याने तातडीने डीपी दुरुस्त झाल्याने आम्हाला आनंद झाला असून आम्ही शिवसेनेचे आभार व्यक्त करतो. – शंकर देशमुख ,शेतकरी,विखळे.
