स्वातंत्र्याच्या अमृतमहोत्सवी वर्षाचे औचित्य साधून
प्रजासत्ताक दिनी पलूस शहरात प्रबोधनपर वाचनालयाचा होणार शुभारंभ…….
आद्य क्रांतिवीर राजे उमाजी नाईक ब्रिगेडच्या वतीने स्वातंत्र्याचे अमृत महोत्सवी वर्षाचे औचित्य साधून आद्यक्रांतिवीर राजे उमाजी नाईक ब्रिगेडच्या वतीने राबवण्यात येत असलेल्या अनेक उपक्रमापैकी एका नावीण्यपूर्ण उपक्रमाची सुरवात प्रजासत्ताक दिनी होत आहे.
प्रबोधनातून समाज परिवर्तनाची निकड लक्षात घेता जनतेने वाचन संस्कृतीकडे वळले पाहिजे.त्यासाठी विविध चळवळींनी प्रयत्न करायला पाहिजे.म्हणूनच आद्यक्रांतीवीर राजे उमाजी नाईक ब्रिगेड महाराष्ट्र चे वतीने पलूस शहरात नवीन प्रबोधनपर वाचनालयाचा शुभारंभ 26 जानेवारी 2022 रोजी दुपारी ठिक १२.२६ वाजता होत आहे.
नूतन वाचनालयाच्या शुभारंभासाठी खेडोपाडी ग्रंथालय चळवळ रुजवण्यासाठी सायकल वरून फिरून जनतेला केवळ एक रुपया वर्गणीत पुस्तके उपलब्ध करून देणारे, गेली तेरा वर्षे फिरते वाचनालय चालवून विद्यार्थी, महिला,शेतकरी अशा सर्व थरात वाचनाची गोडी निर्माण करणारे, सातारा जिल्ह्यातील बुध चे सर्वोदय सामाजिक संस्थेचे प्रमुख ज्येष्ठ कार्यकर्ते जीवन इंगळे आणि सातारा प्रतिसरकारच्या लढयाचे संस्थापक, भारताच्या स्वातंत्र्यलढ्यातील थोर स्वातंत्र्य सेनानी क्रांतिसिंह नाना पाटील यांचे नातू ॲड.भाई सुभाष पाटील संस्थापक क्रांतिसिंह नाना पाटील सार्वजनिक वाचनालय विटा अशा दोन महान व्यक्तींच्या प्रमुख उपस्थितीत हा उद्घाटन समारंभ होणार असल्याची माहिती संयोजन समिती तर्फे आद्यक्रांतिवीर राजे उमाजी नाईक ब्रिगेडचे राज्याध्यक्ष दगडू जाधव, राज्य निमंत्रक मारुती शिरतोडे,राज्य उपाध्यक्ष सुनिल दलवाई,राज्य सरचिटणीस हिम्मतराव मलमे राज्य सल्लागार आदित्य माळी,विनोद आल्हाट,राज्य संघटक बाबुराव मदने,बाळासाहेब खेडकर,संतोष खेडकर,पलूस शहर शाखेचे पदाधिकारी संजय जाधव,सोमनाथ जाधव,अनिल जाधव,गणेश शिरतोडे,सोशल मिडीया प्रमुख महेश मदने आदींनी दिली.
