कोलहापुर दि .२ ( माणगंगा प्रतिनिधी कमल धडेल)
जोतिबा डोंगर येथील जोतिबा देवाच्या सेवेत असणारा उन्मेष अश्व घोड्याचे निधन झाले .
दोन दिवसापासून तापाने आजारी असलेल्या देवसेवक अश्वाने सांय ५ वाजता अखेरचा श्वास सोडला . देवाच्या सेवेत असणाऱ्या घोड्याचे निधनाची बातमी कळताच भाविक व पुजाऱ्यांनी हळहळ व्यक्त केली .
जोतिबा मंदिरात गेली १२ वर्षे देवाच्या सेवेत उन्मेष अश्व होता . हिम्मत बहादुर चव्हाण यांनी हा घोडा अर्पण केला होता . जोतिबा ची पालखी , धुपारती सोहळाच्या पुढे असणारा उन्मेष आता दिसणार नाही . प्रत्येक शनिवारी दुपारी १२ ते ३ पर्यंत देवाच्या समोर उभा रहात होता . जोतिबा देवाच्या लवाजम्यातील उन्मेषाचे निधन झाल्याने भाविक ‘ पुजाऱ्यांनी हळहळ व्यक्त केली . जोतिबा मंदिरा सभोवती प्रदाक्षिणा काढुन दफन विधी साठी दक्षिण दरवाज्याकडे नेण्यात आले . शोकाकुल वातावरणात श्रधांजली वहाण्यात आली . उन्मेष चे अखेरचे दर्शन घेण्यासाठी जोतिबा मंदिरात गर्दी झाली . जड अंतकरनाने अखेरचा निरोप देताना भाविक भक्ताचे अश्रु अनावर झालते .
