यंदाही मोबाईलवरच वाजली शाळेची घंटी,आॅनलाईन शिक्षणात चिमूकले गुंतले
या ही वर्षी विद्यार्थी दप्तराच्या ओझ्याविनाच।
त-हाडी:-कोरोनाच्या पार्श्वभुमीवर यंदाही शाळेची घंटा मोबाईलवरच वाजल्यामुळे पुन्हा चिमुकले आॅनलाइन शिक्षणात गुंतले आहे.आॅनलाईन शिक्षण सर्वच स्तरात यशस्वी होत नसल्याची ओरड होत असुन गोरगरीबांपर्यत हे शिक्षण पोहचतच नाही असेही बोलल्या जात आहे
.प्रशासनाने ग्रामीण भागातही शिक्षण पोहचेल याचि व्यवस्था करावी अशी मागणी होत आहे.
शिक्षक शाळेत तर विद्यार्थी घरी अशा अवस्थेत शाळेचा पहिला दिवस ऑनलाईन अभ्यासक्रमाच्या सुरू झाला असून शाळेत वाजणारी घंटी मोबाईलवर वाजली. शाळेचा पहिला दिवस आनंददायी वातावरणात शिक्षकांनी साजरा केला. मात्र विद्यार्थ्यांचा चिवचिवाट नसला तरी आभासी पद्धतीने शाळेची सुरुवात झाली. शहरातील शाळांत शिक्षकांनी १०० टक्के हजेरी लावून ऑनलाईन शिक्षणाला प्रारंभ केला.राज्यातील प्राथमिक आणि माध्यमिक व उच्च माध्यमिक शाळांचे शैक्षणिक वर्ष २०२१-२२ करीता १५ जूनपासून सुरुवात झाली. १ ते ९ आणि ११ पर्यंतच्या शिक्षकांना ५० टक्के उपस्थिती, तर १० आणि १२ करिता १०० टक्के उपस्थितीत ऑनलाईन अभ्याक्रमाला सुरुवात करण्यात आली
.ठरवून दिल्याप्रमाणे हजेरी लावून शाळेचा पहिला दिवस विद्यार्थ्याशिवाय शैक्षणिक सुरुवात केली. आभासी पद्धतीने विद्यार्थ्यांना शिक्षण देण्यात आले. विद्यार्थ्यांनी घरूनच शाळेचा पहिला दिवस ऑनलाईन शिक्षणाने सुरू केला.शाळेतील शिक्षकांनी हजेरी लावून वर्गातून ऑनलाईन शिक्षणाचे धडे दिले. विद्यार्थ्यांचा किलबिलाट नसला तरी शिक्षकांनी अभ्यासक्रमाला सुरुवात केली.धुळे जिल्ह्यातील शाळा महाविद्यालये सुरू झाले. शिक्षकांनी शासनाच्या निकषानुसार हजेरी लावली होती.आता विद्यार्थ्यांचा आॅनलाईन किलबिलाट आणखी कीती दिवस चालेल की पुन्हा शाळेची घंटा मोबाईलवर न वाजता शाळेची घंटा प्रत्यक्ष वाजेल याची वाट विद्यार्थी,शिक्षक,पालक यांचेसह शिक्षणप्रेमी वाट पाहत आहेत.
