धावडवाडीचे व्यासपीठ बालमभाई मुजावर यांचे हृदयविकाराने दुख:द निधन
माणगंगा न्यूज पोर्टल जत:-
धावडवाडी गावचे सुपुत्र व सध्या रामपूर व बागेवाडी येथे ग्रामसेवक या पदावर सेवेत असणारे बालमभाई मुजावर यांचे काल दि. २५ मार्च रोजी दुपारी २ वा. हृदयविकाराच्या धक्क्याने दुख:द निधन झाले. त्यांच्या या निधनाने धावडवाडी व पंचक्रोशीतील गावांवर शोककळा पसरली आहे. सतत हसरा चेहरा व नेहमी समाजकार्यास तत्पर असणारे बालमभाई आज आपल्यात नाहीत हे कित्येकांना पटत नाहीये. पांढरेशुभ्र कपडे, डाेक्यावर कॅप पायात चामडी बुट असा देखणा पेहराव करून बालमभाई तरुणांनाही लाजवत असायचे. आपल्या कामाप्रती ईमानदार व सदैव जनसेवेत गुंतलेले असायचे. बुधवारी रात्री १ वा. छातीत दुखू लागल्याने त्यांना जत येथील सनमडीकर हॉस्पिटलमध्ये दाखल करण्यात आले हाेते.
शुक्रवारी तब्येतीत फरक न पडल्याने त्यांना मिरज येथे हलवण्यात आले असता वाटेतच त्यांचे निधन झाले.गुळवंची, प्रतापुर,, धावडवाडी,, गुगवाड,घोरपडी अशा गावांमध्ये बालमभाई यांनी सेवा बजावली. प्रत्येक गावात बालमभाई यांचा जिव्हाळा असायचा.२०२० साली त्यांना एका संघटनेतर्फे काेराेना याेद्धा पुरस्काराने सन्मानित करण्यात आले हाेते. अत्यंत गरिबीच्या परिस्थितीत शिक्षण पूर्ण करून ग्रामसेवक पदावर रुजू झालेले बालमभाई पुढच्या वर्षी निवृत्त होणार होते.आपल्या भारदस्त आवाजाने गावातील कोणतेही शुभकार्य असाे बालमभाई दणाणून सोडायचे.आज बालमभाई आपल्याला साेडून गेले हे अजुनही मनाला पटत नाही. दावत ए तबलिग च्या माध्यमातून बालमभाई कित्येकांचे जिवन सत्कार्याला लावुन गेले.अनेकांची घरे वसवली, दारू पिणारे, व्यसन करणारे, वाईट मार्गाला लागलेल्या कित्येकांना बालमभाई यांनीे याेग्य मार्गाला लावले. या सत्कार्यामुळेच शुक्रवारीच त्यांचे निधन झाले.बालमभाई यांच्या पश्चात, मुलगा, मुलगी, पत्नी, भाऊ, बहीणी, आई, पुतणे असा मोठा परिवार आहे. अल्लाह बालमभाई यांना जन्नत देवाे हि अल्लाह चरणी प्रार्थना.
इम्रान शेख, धावडवाडी.
