जतला शिवरायांच्या पुतळ्याची प्रतिष्ठापना.
जतला शिवरायांच्या पुतळ्याची प्रतिष्ठापना.
माणगंगा न्यूज पोर्टल जत:-महाराष्ट्राचे आराध्य दैवत छत्रपती शिवाजी महाराजांच्या राज्याभिषेक दिनाचे औचित्य साधत जत येथे शिवरायांच्या अश्वारूढ पुतळ्याची प्रतिष्ठापना करण्यात आली.
सोळा वर्षांनंतर जतकरांच्या डोळ्याचे पारणे फिटावे,असा भव्यदिव्य सोहळा पार पडला.तालुक्यातील शिवप्रेमींनीही उत्साहात मिरवणुकीत भाग घेत अभिवादन केले.प्रत्येक चौकात पुतळ्याचे जल्लोषात स्वागत करण्यात आले.खासदार संजय(काका) पाटिल,पुतळा समितीचे अध्यक्ष तथा माजी आमदार विलासराव जगताप,आमदार विक्रमसिंह (दादा)सावंत,माजी आमदार पृथ्वीराज देशमुख,राष्ट्रवादी काँग्रेसचे सुरेश शिंदे,जिल्हा बँकेचे संचालक प्रकाश जमदाडे,उपनगराध्यक्ष आप्पासाहेब पवार,रिपाइंचे जिल्हाध्यक्ष संजय कांबळे,सभापती मनोज जगताप, सुनील पवार,मोहन कुलकर्णी,सरदार पाटिल,उत्तमशेठ चव्हाण,सुजय शिंदे,भूपेंद्र कांबळे,ऑड.प्रभाकर जाधव,उमेश सावंत,संतोष मोट,अण्णा भिसे,संग्राम जगताप,युवराज निकम,नीलेश बामणे,सद्दाम अत्तार,संजय कांबळे, यांच्यासह तालुक्यातील मराठा सेवा संघ,शिवप्रतिष्ठान,दलित महासंघ, विविध सामाजिक संघटना प्रशासनांच्या प्रमुख पदाधिकाऱ्यांच्या हस्ते श्रीफळ वाढवून पाच नद्यांचे पाणी दुग्धाभिषेक व विधिवत पूजा करून पुतळ्याची प्रतिष्ठापना करण्यात आली.
लवकरच लोकार्पण सोहळा करण्यात येणार असल्याचे समितीचे अध्यक्ष जगताप यांनी सांगितले.२००६ मध्ये शिवाजी चौकातील शिवरायांच्या पुतळ्याचे अपघाताने नुकसान झाले होते.माजी आमदार विलासराव जगताप यांच्या अध्यक्षतेखाली पुतळा समितीची स्थापना करण्यात आली.समितीने लोकवर्गणीतून हा पुतळा बसविण्याचा निर्णय घेतला.सोळा वर्षांपासून पुतळा बसविण्याची प्रतीक्षा जतकरांमध्ये होते.अखेर पुतळा पूर्ण झाला.तो बसविण्यावरून माजी आमदार विलासराव जगताप व आमदार विक्रमसिंह सावंत यांच्या गटात वाद झाला.जत शहराला छावणीचे स्वरूप आले.प्रशासनाने योग्य त्या परवानग्या घेऊन पुतळा बसवावा अशा सूचना केल्या.दरम्यान, समितीचे अध्यक्ष जगताप,खासदार पाटिल यांच्या मार्गदर्शनाखाली प्रकाश जमदाडे यांनी सर्व परवानग्या मिळविल्या.
यानंतर आज ६ जून रोजी राज्याभिषेक दिनादिवशी शिवाजी चौकात पुतळ्याच्या प्रतिष्ठापनेचा मुहूर्त साधत जगताप यांच्या पेट्रोल पंपावरून फुलांनी सजवण्यात आलेल्या गाडीतून पारंपरिक वाद्यांचा निनादात जत शहरातून मिरवणूक काढण्यात आली.सायंकाळी ६.३० ला विधिवत पूजा अर्चा करून पुतळ्याची प्रतिष्ठापना करण्यात आली.हा देदीप्यमान सोहळा पाहण्यासाठी जतमधील नागरिकांनी गर्दी केली होती.
