गावात तलाठी येत नसल्याप्रकरणी जिल्हाधिकारी यांनी लक्ष घालावे : दत्ताञय फडतरे यांची मागणी
पुणे ( प्रतिनिधि )
पुणे महानगरपालिका हददी पासुन दहा किलोमीटर अंतरावर असणार्या बोपगाव ग्रामपंचायतीच्या नवीन कार्यालयाचे उदघाटन दोन वर्षोपुर्वी मोठ्या उत्साहात पार पडले .परंतु , तेव्हा पासुन तलाठी गावात येवुन कारभार पाहत नसल्याने ग्रामस्थांची मोठी गैरसोय होत आहे.काही महिन्यांपुर्वी ग्रामपंचायतीच्या वतीने तहसिलदारांना निवेदन देवुनही प्रशासन नागरिकांच्या मागणीकडे कानाडोळा करत असल्याचा आरोप ग्रामस्थांनी केला आहे. पायाभुत सुविधांसाठी लाखो रुपयांचा निधी शासनाकडुन देण्यात येतो परंतु ,गावातील नागरिकांच्या मुलभुत मागण्यांकडे दोन वर्षोपासुन दुर्लक्ष होत असल्याने दत्ताञय फडतरे यांनी पुणे जिल्ह्याचे जिल्हाधिकारी राजेश देशमुख यांना पञ पाठवुन तातडीने निर्णय घेण्याची मागणी केली आहे.
उत्पन्नाचा दाखल, विधवा, महिला ,जेष्ठ ,गरजु ,नागरिकांना प्रमाणपञांसाठी तलाठी ,सही शिक्का आवश्यक असतो. जवळपास दोन वर्षैापुर्वी ग्रामपंचायतीचे उदघाटन मोठ्या उत्साहात संपन्न झाले .लाखो रुपये खर्च करुन डिजिटल कनेक्शन , वीज व्यवस्था, पिण्याचे पाणी, सुसज्य तलाठी कार्यालय ,उपलब्ध असुन देखील तलाठी गावातच येत नसल्याने ग्रामस्थांना मोठ्या अडचणीचा सामना करावा लागत आहे. काही महिन्यांपुर्वी बोपगाव ग्रामपंचायतीच्या नवनिर्वाचित सदस्यांच्या वतीने तहसिलदारांना निवेदन देवुनही प्रशासन ग्रामस्थांच्या मागणीकडे दुर्लक्ष करत असल्याचा आरोप ग्रामपंचायत सदस्यांनी केला आहे.
शेतकर्यांना कर्जासाठी ,सातबारा कागदपञ व शेती प्रकरणासबंधी फेरफार , शेती -पीक नुकसान भरपाई इतर कामे असल्यास तीन किलोमीटर अंतरावरिल शेजारच्या गावात हेलपाटे मारावे लागत असल्याने ग्रामस्थांमधुन संताप व्यक्त होत आहे. प्रशासकीय नियमानुसार तलाठ्यांचा सजा बोपगाव आहे ,तरीसुदधा गावात तलाठी येत नाही ,आठवड्यातुन किमान तीन दिवस तरी गावात येण्याची मागणी नागरिकांनी केली आहे.
पुरंदर तहसिल प्रशासनाच्या अंतर्गत येणार्या ग्रामपंचायतींवर कोणते तलाठी कामकाज पाहतात. ते त्या ठिकाणीच काम करतात का करत नाहीत यावर लक्ष ठेवणे ,त्याचा आढावा घेणे हे तहसिल प्रशासनाचे कर्तव्य आहे ,त्याकडे दोन वर्षोपासुन तहसिल प्रशासनाचे दुर्लक्ष होत आहे ,गावातील ग्रामस्थांची गावातच सोय व्हावी यासाठी दत्ताञय फडतरे यांनी पुणे जिल्ह्याचे जिल्हाधिकारी राजेश देशमुख यांना दिलेल्या निवेदनात म्हटले आहे.
