जि.प.शाळा धावडवाडी येथे मोफत पाठ्यपुस्तक वाटप कार्यक्रम पार पडला.
माणगंगा न्यूज पोर्टल जत:-जि.प.शाळा धावडवाडी येथे शासनामार्फत देण्यात येणार्या मोफत पाठ्यपुस्तक वाटत सोहळा पार पडला.यंदाचे शैक्षणिक वर्ष २०२२-२३हे आज १५ जुन रोजी सुरु होत असून आज शाळेचा पहिला दिवस असल्याने आज महाराष्ट्र शासनातर्फे देण्यात येणार्या मोफत पाठ्यपुस्तक वाटप कार्यक्रम पार पडला.
या कार्यक्रमाचे सुत्रसंचालन शाळेचे मुख्याध्यापक मा. श्री. पडोळकर सर यांनी केले तर मुलांचे अभिनंदन व प्रोत्साहन इम्रान शेख यांनी केले.शिक्षणाचा दर्जा हा इमारतीवरून ठरत नसून शिक्षणव्यवस्थेवरून ठरत असतो.रस्त्यावरील पथदिव्याखाली अभ्यास करून देशाचे संविधान लिहीणार्या डॉ. बाबासाहेब आंबेडकरांचा आदर्श समोर ठेवून शिक्षण घ्या असेही इम्रान शेख यांनी सांगितले.तसेच १ली नविन एडमिशन घेणार्या मुलांचे मान्यवरांच्या हस्ते गुलाब पुष्प देऊन स्वागत केले. या कार्यक्रमाप्रसंगी मा. सरपंच श्री. चंदूलाल शेख, ग्रा. पं. सदस्य कादर मुल्ला, रयान शेख, आलताफ शेख, मा.ग्रा.पं.सदस्य शकिल सय्यद, अजिज शेख, निसार कोरबू, युवा नेते युसूफ शेख, इम्रान शेख व ग्रामस्थ उपस्थित होते.
तसेच जि. प.ऊर्दू शाळेच्या मुलांना देखील पाठ्यपुस्तक वाटप करण्यात आले. या प्रसंगी ऊर्दू शाळेच्या शिक्षीका सौ. विजापुरे यांनी शाळेच्या काही साहित्यांबद्दल खंत व्यक्त केली असता निसार कोरबू यांनी ऊर्दू शाळेसाठी खुर्च्या आणि टेबल देण्याचे आश्वासन दिले.
गेली अनेक वर्षे इमारत नसल्याने शाळेच्या पट व्यवस्थेत बरिच घट झाली होती. परंतु यंदा शाळेची भव्य अशी इमारत ऊभी राहीली व ३१ असणारा पट हा ९० च्या आसपास पोहोचला असल्याचे पडोळकर सरांनी सांगितले.
कार्यक्रम संपन्न झाल्यानंतर ऊपशिक्षक श्री. नदाफ सर यांनी आभार व्यक्त केले.
