कर्नाटकातील मेंढपाळाला आटपाडीत जबर मारहाण
जखमी सांगली सिव्हिल हॉस्पिटलच्या अतिदक्षता विभागात उपचारासाठी दाखल
आटपाडी प्रतिनिधी
आटपाडी तालुक्यातील देशमुख वाडी येथे कर्नाटक राज्यातील मेंढपाळ आपल्या मेंढ्या घेऊन चरण्यासाठी आला होता त्याला आज दुपारी देशमुखवाडी येथील शेतकऱ्यांनी मेंढ्या घेऊन येथे का आलास याचा जाब विचारत तीन शेतकऱ्यांनी मेंढपाळांला जबर मारहाण केली.
या हल्ल्यामध्ये मेंढपाळ गंभीर जखमी झाला असुन त्याला उपचारासाठी सांगली सिव्हिल हॉस्पिटलमध्ये हलविण्यात आले आहे. त्याची परिस्थिती नाजूक असल्याने त्याला अतिदक्षता विभागामध्ये ठेवण्यात आले आहे .
मेंढपाळाच्या तक्रारीवरून पोलिसांनी एक जणांना ताब्यात घेतले आहे. तर घटनास्थळी जाऊन पोलीसाचे माहिती घेण्याचे काम सुरू आहे. जखमी मेंढपाळाचे जबाब घेऊन गुन्हा दाखल केला जाणार आहे अशी माहिती पोलीसानी दिली,
मारहाणीच्या निषेधार्थ व त्यांच्या विरोधात गुन्हा नोंद करण्यासाठी सर्व मेंढपाळ आपल्या मेंढया घेऊन पोलिस स्टेशनच्या आवारात ठिय्या मारला आहे. ज्यांनी मारहाण केली त्यांच्यावर गुन्हे नोंद करण्याचे काम सुरू होते.
