पुणे विभागिय आयुक्तांकडून सरपंच-अमोल मोरे यांना क्लीनचिट
आटपाडी तालुका सरपंच परिषदेचे अध्यक्ष व दिघंची चे लोकनियुक्त सरपंच अमोल मोरे यांना विभागीय आयुक्त पुणे यांनी क्लिनचीट दिली आहे. सरपंच अमोल मोरे यांना क्लीनचिट मिळाल्यानंतर कार्यकर्त्यांनी फटाक्यांची आतषबाजी करून जल्लोष साजरा केला.
याबाबत सविस्तर माहिती अशी की ग्रामपंचायत सदस्य आशाराणी समाधान नळ यांनी सरपंच अमोल मोरे यांच्या विरोधात ग्रामपंचायतीच्या कारभारात अनियमित्त असल्याबाबत तक्रार केली होती .त्या तक्रारीचा निकाल दिनांक 17 /०6 /2022 रोजी लागला आहे.
या निकालात विभागीय आयुक्त यांनी म्हटले आहे की लोकनियुक्त सरपंच अमोल मोरे यांचे सरपंच पद रद्द व्हावे असे काही तक्रारीमध्ये दिसून येत नाही. आणि कारवाईची आवश्यकता नाही, असा निर्णय विभागीय आयुक्त कार्यालय पुणे यांनी दिला आहे.
सरपंच परिषदेचे तालुका अध्यक्ष व सरपंच अमोल मोरे यांच्याशी संपर्क साधला असता अशा तक्रारी होतच राहतात विनाकारण बदनामी करण्याच्या उद्देशाने तक्रारी होत असतात, अशा तक्रारीकडे आम्ही लक्ष देत नाही.आमची बाजू सत्य आहे आणि विनाकारण तक्रारी करणे योग्य योग्य नाही .
तसेच गावचा विकास विरोधकांच्या डोळ्यात खुपू लागल्याने अशा विनाकारण तक्रारी केल्या जात आहेत विरोधकांनी सत्यता पडताळून पाहावीत, विकास कामावर बोलावे ,नको त्या कामांमध्ये विरोधकांनी लक्ष घालू नये सरपंच अमोल मोरे म्हणाले
