सामान्य सभासदांचा प्रतिनिधी म्हणूनच उमेदवारी:-अरुण पाटील*
कोकरुड : माणगंगा न्यूज वृत्त सेवा:
सांगली जिल्हा शिक्षक बँकेच्या निवडणुकीत सामान्य सभासदांचा प्रतिनिधी म्हणून उतरलो असून पुरोगामी सेवा मंडळाने जिल्ह्यातली पहिली उमेदवारी शिराळयातून घोषित करून एका सामान्य कार्यकर्त्याला संधी दिली आहे. त्या संधीचं सोनं करून येणाऱ्या काळात काळ, वेळ व प्रासंगिक भान ठेवून सभासदांना न्याय देणार . असे प्रतिपादन सांगली जिल्हा प्राथमिक शिक्षक सह बँक लि सांगली बँकेच्या पुरोगामी सेवा मंडळ शिराळा सर्वसाधारण गटाचे उमेदवार मा.अरुण पाटील यांनी कोकरूड येथे प्रचार दौऱ्या प्रसंगी बोलताना केले.
पाटील म्हणाले शिराळा तालुका शिक्षक समितीचा कार्यकर्ता म्हणून काम करत असताना सतत संघर्षाची भूमिका घेऊन संप, मोर्चे आंदोलने व निवेदने या माध्यमातून शिक्षकांच्या प्रश्नांची सोडवणूक केली असून वेतन कपात ,वैद्यकीय बिले यासारख्या वैयक्तिक कामाबरोबरच सार्वजनिक कामासाठी सुद्धा न्याय दिला आहे. संघटनात्मक कामाबरोबरच शाळेचे शैक्षणिक कामकाज सुद्धा उत्तम केल्यामुळे शिराळा तालुका शिक्षक समितीने या निवडणुकीत एकमुखाने उमेदवारी जाहीर केली आहे. त्याची जाण ठेवून पुढील काळात काम करून न्याय देणारआहे.
शिक्षक समितीने शिक्षक बँकेच्या सत्ताकाळात सभासदांच्या हितासाठी व्याजदर टप्प्याटप्प्याने कमी करणे ,कायम ठेवी परत करणे, कर्मचारी आकृतीबंध, कोअर बँकिंग, स्टॅम्प ड्युटी कमी करणे यासारखे महत्त्वपूर्ण निर्णय घेतले असून यापुढील काळात सुद्धा सभासदांच्या हिताचा जाहीरनामा दिला आहे.
या निवडणुकीत पुरोगामी सेवा मंडळाच्या माध्यमातून शिक्षक समिती,शिक्षक
भारती ,उर्दू संघटना, शिक्षक संघ खाजगी प्राथमिक महासंघ सहकार संघटना यांनीही पाठिंबा दिला आहे.
यावेळी शिक्षक समितीचे प्रचार प्रमुख तथा विद्यमान संचालक सदाशिव पाटील, ज्येष्ठ नेते आकाराम पाटील, संजय चरापले ,संजय पाटील, शिक्षक भारतीचे नंदकुमार पाटील, तालुका अध्यक्ष प्रताप सावंत, दादासाहेब खोत, संजय रोकडे, सरचिटणीस सचिन देसाई ,अमोल जाधव ,तसेच बबन मोरे ,आनंदा खवरे जयकर भोसले ,सुभाष नलवडे, भास्कर खोत, दिनकर नांगरे, दगडू मोरे, शिवाजी पाटील ,वसंत कुंभार, विश्वास कुंभार, विलास घागरे ,अरविंद सुतार, उत्तम नायकवडी, तानाजी कदम, जालिंदर पाटील, विलास गायकवाड, अविनाश पाटील आदींसह शिक्षक उपस्थित होते
