नागनाथअण्णा नायकवडी महाविद्यालय शिवाजी विद्यापीठात प्रथम.
शिवाजी विद्यापीठात नागनाथ अण्णा नायकवडी महाविद्यालयाचा नावलौकिक
शैक्षणिक वर्ष 2021-22 मध्ये शिवाजी विद्यापीठ गुणवत्ता शिष्यवृत्ती मध्ये महाराणीदेवी अहिल्याबाई होळकर एज्यु.सोसायटी सांगलीचे, पद्मभूषण डॉ.क्रांतिवीर नागनाथअण्णा नायकवडी कला महाविद्यालयचा ग्रामीण गटात मानवविज्ञान विद्याशाखेतून शिवाजी विद्यापीठात प्रथम क्रमांक आलेबद्दल शिवाजी विद्यापीठाचे कुलगुरू मा. डॉ.डी.टी. शिर्के सर,प्रा. कुलगुरू डॉ.पी.एस. पाटील , प्रभारी कुलसचिव डॉ.व्ही. एन.शिंदे यांच्या उपस्थितीत शिवाजी विद्यापीठ विज्ञान विद्याशाखा अधिष्ठाता डॉ.कामत आर.के. सर यांच्या हस्ते महाविद्यालयाचे प्रा. प्राचार्य पाटील आर.एच. सर यांचा शाल, श्रीफळ व प्रमाणपत्र देऊन सन्मान करण्यात आला.
ही एक संस्थेच्या व महाविद्यालयाच्या अभिमानाची गोष्ट आहे. सलग तीन वर्षे महाविद्यालयाने प्रथम क्रमांक प्राप्त करून हॅट्ट्रिक साधली आहे.
शैक्षणिक वर्ष 2021-22मध्ये बी. ए. भाग 1,2 व 3 मधील 21 विद्यार्थ्यांनी 192000 रुपये शिष्यवृत्ती मिळवून शिवाजी विद्यापीठात नाव लौकिक प्राप्त केला आहे.विद्यार्थ्यांसाठी प्राचार्य,प्राध्यापक व शिक्षकेत्तर कर्मचारी यांनी मनापासून केलेल्या कामाची पोहच पावती म्हणावी लागेल.
महाविद्यालय कायम विनाअनुदानित असून त्यांच्या या कामगिरी बद्दल परिसरातून कौतुक होत आहे. महाविद्यालयाच्या यशाबद्दल संस्थेचे चेअरमन मा.आर.एस.चोपडे सर, व्हा.चेअरमन मा.श्रीमती एल.टी. शेंडगे मॅडम, संस्थेचे सचिव मा.एस.ए.पाटील सर, संस्थेचे खजिनदार मा. एस. व्ही. अनुसे सर ,समन्वय समिती अध्यक्ष मा.डी.ए. वाघमोडे सर,कार्यवाहक बी.पी.सरगर सर व सर्व संचालक व सल्लागार या सर्वांनी महाविद्यालयाचे प्राचार्य व स्टाफचे व विद्यार्थ्यांचे अभिनंदन केले.
