विठ्ठल नसलेल्या पंढरीत वारकरी जाणार नाहीत. : स्वाती मोराळे.
शिवसेना विधानसभेत फुटली. छिद्रच नाही तर भागदाड पडलं. याला हिंदुत्वाची पुष्टी दिली जाते तर कधी अजितदादाच्या तराजूचे कारण दिले जाते. अजितदादाने शिवसेनेला निधी दिला नाही असे बोलले जाते. तर कधी शरद पवारांची शिवसेना संपवण्याची दुष्ट चाल म्हटले जाते. तर कधी मुख्यमंत्री भेटत नाही हे सांगितले जाते. तर कधी ही अनैसर्गिक युती आहे म्हंटले जाते.ही सगळी कारणे थोडी फार असतील ही पण….
पण हिच भुते फरपट, अहंकार, कुरघोडी,अपमान आशा किंचाळ्या देत असताना महाराष्ट्राने ऐकल्या आहेत. हिच भुते संपूर्ण हिंदूंना किंचाळून हिंदूंना घाबरवत होते का? मग हिच भुते ईडी, सीबीआय, इनकम टॅक्स व केंद्रीय तपास यंत्रणाना घाबरली होती का? दुसऱ्यांना घरवणारी भुते स्वतःच घाबरून गेली होती का?हे ऑपरेशन लोटस भाजपाने नसेल पण या भूतानी घाबरून अहंकारी राजाच्या साक्षीने रात्रीच्या अंधारात वेश बदलून घडवून आणले नसेल ना? उद्धव ठाकरे नियतीने घडवून आणलेले मुख्यमंत्री होते. त्यांना हे स्वप्न कधी पडले असेल असे वाटत नाही. एकनाथ शिंदे मात्र ऑपरेशन लोटस मुंबईचा बकरा असेल ज्यांच्या मानगुटीवर अपात्रतेची टांगती तलवार तर मुख्यमंत्री बनवल्याचं डोक्यावर ओझं.आणि ज्यांना मुख्यमंत्री व्हायचे होते, मी पुन्हा येईन, मी पुन्हा येईन सांगत होते त्यांनाही मुख्यमंत्री होता आले नाही त्यांना त्यांचाच हाताखाली उपमुख्यमंत्री होण्याची वेळ आली आहे.
कारणे काही असु पण मुबंई कोणाची असेल? आणि महाराष्ट्रापासून ती वेगळी केली जाणार नाही ना? हा प्रश्न आहे. हा केंद्रशासित प्रदेश किंवा गुजरात मध्ये विलीन होणार नाही ना? कि महाराष्ट्र मुंबई, विदर्भ मराठवाडा व उर्वरित महाराष्ट्र असा विभागला जाणार नाही ना? एक वेळ आपण असेही म्हणू कि महाराष्ट्राची पंढरी झाली, हिंदूंची सत्ता आली पण या पंढरीत विठ्ठलच नाही. ठाकरे शिवाय शिवाय शिवसेना,ईडी इन्कम टॅक्सला घाबरलेली भुते यांच्या बरोबर वारकरी शिवसैनिक जातील का?विठ्ठल नसलेल्या पंढरीत हे वारकरी जाणार नाहीत असे वाटते.
