आटपाडी पशुवैद्यकीय विभागांमध्ये कर्मचाऱ्यांचा तुटवडा..
खाजगी डॉक्टरांची सेवा तेजीत
आटपाडी प्रतिनिधी
आटपाडी तालुक्यांमध्ये पशुवैद्यकीय विभागामध्ये कर्मचाऱ्यांचा तुटवडा असल्याने खाजगी डॉक्टरांचा व्यवसाय तेजीत सुरू आहे. अनेक शेतकरी आपल्या गुराढोरांना ,मेंढ्यांच्या उपचारासाठी शासकीय डॉक्टरांची वाट पाहण्यापेक्षा खाजगी डॉक्टरकडून उपचार करून घेत आहेत. त्यामुळे पशुवैद्यकीय विभागातील कर्मचारी आहेत, किंवा नाहीत याचा फारसा कोणी विचार करीत नाहीत. त्यामुळे पशुवैद्यकीय विभागाची सेवा असून तोटा आणि नसून खोळंबा अशी वस्तूस्थिती तालुक्यांमध्ये झाली आहे.
त्यामुळे सर्रास शेतकरी शासकीय पशुवैद्यकीय अधिकाऱ्यांची वाट बघण्यात वेळ घालवण्यापेक्षा आपल्या गुराढोरांना मेंढ्यांना खाजगी डॉक्टर कडूनच उपचार करून घेत आहेत . सध्या तालुक्यांमध्ये परिस्थिती सुरू आहे.
पशुवैद्यकीय अधिकारी किंवा इतर कर्मचारी कार्यरत आहेत, त्यांच्या मीटिंग असो किंवा अन्य शासकीय कामा निमित्त ते बाहेर गेले असता दवाखाना बंदच राहत असतो .कारण अनेक पदे रिक्त असल्याने सरासरी दवाखाने बंदच असतात .त्यामुळे नागरिकांना आपल्या जनावरांना, गुराढोरांना खाजगी डॉक्टर कडूनच उपचार घ्यावा लागतो.
तालुक्यामध्ये एकूण 60 हजार पशुधन घटक आहेत. तर 5 हजार पशुधन घटकामागे एक दवाखाना हवा आहे. परंतु सध्या परिस्थितीमध्ये 8 दवाखाने आहेत, आणखी 4 दवाखानेची गरज आहे .त्यामध्ये शेटफळे, राजेवाडी ,पिंपरी खुर्द (आंबेवाडी) व घाणंद या ठिकाणी पाच वर्षापासून दवाखान्याची मागणी आहे. परंतु अद्याप मंजुरी मिळाली नाही. दवाखान्याची व कर्मचाऱ्यांची कमतरता असल्यामुळे 20 हजार पशुधन सेवे वंचित राहत आहेत.
कर्मचाऱ्यांची सध्याची परिस्थिती पशुधन विकास अधिकारी मंजूर पदे 7 रिक्त पदे 2,
सहाय्यक पशुधन विकास अधिकारी मंजूर पदे 1 ,
पशुधन पर्यवेक्षक मंजूर पदे 2,
ड्रेसर मंजूर पदे 6 रिक्त 2 ,
परिचर एकूण पदे 12 रिक्त 8
सध्याच्या परिस्थितीमध्ये अशी अवस्था पशुवैद्यकीय विभागाचे आहे.
रिक्त पदे असोत किंवा डॉक्टर गैरहजर असो, कोणत्या ना कोणत्या कारणास्तव अनेक वेळा पशुवैद्यकीय दवाखाने बंद अवस्थेतच असतत्. त्यामुळे शेतकऱ्यांना खाजगी डॉक्टरची मागणी करून जनावरांना उपचार घ्यावा लागत आहे.।
तसेच फिरते पशुवैद्यकीय पथक (मोबाईल व्हॅन )आहे. पण त्यावर तात्पुरता ड्रायव्हर आहे. ड्रायव्हर पद रिक्त आहे. तरी तेथे कायमस्वरूपी ड्रायव्हर व डॉक्टर ची नेमणूक व्हावी .तसेच तालुक्यामध्ये लघु पशुवैद्यकीय सर्व चिकित्सालय हवे आहे .सहाय्यक दर्जाचा अधिकारी नियुक्त होईल .एक्स-रे काढण्यासाठी सोपे होईल ,प्रयोगशाळा होईल जिल्ह्यामध्ये पाच ठिकाणी सोय आहे .परंतु प्रयोगशाळा व एक्स-रे काढण्याची सोय आटपाडी मध्ये नाही. तरी आटपाडी मध्ये सर्व चिकित्सालय व्हावे अशी मागणी नागरिकांतून होत आहे.
जर शेतकऱ्यांच्या जनावरांना शासकीय सेवा वेळेत मिळाली तर त्यांचे पैसे बचत होतील .खाजगी डॉक्टर कडून उपचार घेतले असता शेतकऱ्यांचा खर्च वाढतोय .एक तर महागाईमुळे शेतकरी मेटाकुटीला आला आहे. त्यात जनावरांच्या औषधाच्या खर्च ,डॉक्टरांची फी याचा विचार केला तर जनावरे पाळणे सुद्धा मुश्किल झाले आहे. त्यासाठी शासकीय सेवा वेळेत मिळणे गरजेचे आहे.
चौकट – तालुक्यामध्ये एकूण 60 हजार पशुधन आहे. रिक्त पदे असल्याने 20 हजार पशुधनाला सेवा मिळू शकत नाही.
सध्या कार्यरत असणारे अधिकारी काही कामानिमित्त बाहेर गेले असता दवाखाना बंदच राहतो. त्यामुळे पशुधनाला सेवा मिळत नाही. त्य शेतकरी खाजगी डॉक्टर कडून जनावरांना उपचार करीत असतात त्यामुळे शासकीय सेवा असून तोटा आणि नसून खोळंबा अशी अवस्था आहे.
फोटो -आटपाडीतील पशुवैद्यकीय दवाखाना
