अंगणवाडीला सुका घरपोच आहार मिळतोय निष्कृष्ट दर्जाचा
आहार पोहाच करणाऱ्या वाहन चालकाची दादागिरी
आटपाडी प्रतिनिधी
आटपाडी तालुक्यांमध्ये अंगणवाडीच्या मुलांना टी. एच. आर. म्हणजेच घरपोच सुका आहार दिला जातो .आहार पोहच करण्याचा ठेका घेतलेला असतो. आणि या ठेकेदारा मार्फत सुका आहार प्रत्येक अंगणवाडीमध्ये जाऊन दिला जातो. परंतु सुखा आहार पोहोच करतात त्याच्यावरून अनेक वेळा अंगणवाडी सेविका व वाहन चालकांमध्ये बाचाबाची झालेली आहे.
हा आहार पोहाच करताना अनेक वेळा रात्रीच्या वेळेला वाहनधारक वाहन घेऊन येतात व अंगणवाडी ताईंना सांगतात आत्ताच्या आत्ता माल घ्या नाहीतर आम्ही इथेच टाकून जाऊ. अशा उर्मट भाषेमध्ये बोलले जाते. तर अनेक वेळा सडका कुचका आहार दिला जातो. बऱ्याच वेळेला फुटलेले पुढे दिले जातात, तर काही ठिकाणी शासनाने ठरवून दिलेले आहाराचे पुढे आहेत ते कमी प्रमाणात देतात .
असे प्रकार आटपाडी तालुक्यांमध्ये बऱ्याच वेळा घडलेले आहेत .याबाबत अनेक तक्रारी आहेत. तरीसुद्धा वाहनधारक अंगणवाडी ताईंना उर्मटपणाने बोलताना . अशा अनेक अंगणवाडी ताईंच्या तक्रारी बाल प्रकल्प विभाग आटपाडी यांच्याकडे आले आहेत.
याबाबत बाल प्रकल्प अधिकाऱ्यांशी संपर्क साधला असता त्यांनी सुद्धा सांगितले की आमच्याकडे अनेक अंगणवाडी ताईंच्या तक्रारी आलेले आहेत. याबाबत आम्ही जिल्हा कार्यालयाला कळवलेले आहे. लवकरच ठेकेदार बदली होईल व अंगणवाडी ताईंना त्यांच्या शाळेच्या वेळेत सुका माल कसा मिळेल यासाठी आमचा प्रयत्न सुरू आहे.
तरी संबंधित कार्यालयाने चौकशी करून ठेकेदारावर कारवाई करावी व भविष्यामध्ये सडका माल,फुटकेपुडे देऊ नयेत व जे फुटलेले पुढे आहेत. त्याचं वजन कमी भरत आहे. जर प्रत्येक पुढयामध्ये 100 ग्राम वजन कमी आले ,तर टेम्पोमध्ये असणाऱ्या पुड्या मधून कितीतरी किलो माल कमी येतो. उर्वरित मालाचं वाहन चालक करतो तरी काय याचा उलगडा व्हावा व याची चौकशी करून संबंधितावर कारवाई व्हावी अशी मागणी अंगणवाडी ताई यांच्या मधून होत आहे.
