शासकीय कर्मचारी बनले ठेकेदार,
आटपाडी पंचायत समितीतील प्रकार,
गटविकास अधिकाऱ्याचे गटविकास अधिकाऱ्यांचे दुर्लक्ष
आटपाडी तालुक्यातील पंचायत समितीचे तांत्रिक सहाय्यक अधिकारी सूर्यकांत जाधव यांनी स्वतःच्याच प्रथमेश कन्ट्रक्शन च्या नावावर तालुक्यात अनेक गाव-गावात ठेके घेऊन काम करीत असल्याचा प्रकार उघडकीस आला आहे .
याबाबत अशोक रामचंद्र जुगदर यांनी माहितीच्या अधिकाराखाली माहिती मागवली असता हा प्रकार उघडकीस आला आहे. तर अशोक जुगदर यांनी बोगस कामाची चौकशी करण्यासाठी पंचायत समितीच्या समोर दोन वेळा आंदोलने केली होती. परंतु या कडे गट विकास अधिकारी मनोज भोसले यांनी जाणून-बुजून दुर्लक्ष केले.तर आंदोलनाची कोणतीही दखल घेतली नाही.
पंचायत समितीतील महाराष्ट्र ग्रामीण रोजगार हमी योजनेअंतर्गत तांत्रिक सहाययक अधिकारी म्हणून सूर्यकांत जाधव काम करत असलेले अधिकारी हे स्वतः ठेकेदार बनून तालुक्यामध्ये अनेक कामे स्वतःच करीत आहेत. या सर्व प्रकाराकडे गटविकास अधिकारी मनोज भोसले यांनी दुर्लक्ष केल्याचे दिसून येत आहे.
ज्यावेळीअशोक जुगदर यांनी माहितीच्या अधिकाराखाली माहिती मागवली असता यामध्ये हा प्रकार उघडकीस आला आहे. तर अनेक ठिकाणी रस्ता मुरमीकरण करणे, पेव्हिंग ब्लॉक बसवणे व अन्य इतर कामे केलेली आहेत.
परंतु केलेली कामे ही अर्धवटच आहेत,हलक्या दर्जाची आहेत आणि त्याची बिले मात्र अदा केलेली आहेत.
त्याचबरोबर स्टॅम्प हा पुढच्या तारखेचा जोडला असून, काही स्टॅम्प वर तारीखच नाही.तर जीएसटीची बिले जोडली आहेत .त्याच्यावरती जीएसटी नंबर नाहीत ,तारखा नाहीत तर काम पण निकृष्ट दर्जाचे केले आहे,. तालुक्यात अशी अनेक कामे केलेली आहेत.
याबाबत गट विकास अधिकारी मनोज भोसले यांना विचारले असता म्हणाले 56 ग्रामपंचायतींना पत्र लिहून सहाय्यक तांत्रिक अधिकारी सूर्यकांत जाधव यांनी तालुक्यात कोणकोणत्या गावात कामे केली आहेत. याची माहिती मागवली आहे. माहिती आल्यानंतर पुढील कारवाई करू असे आश्वासन दिले आहे.
परंतु कित्येक दिवसापासून हा प्रकार सुरू आहे .तरीसुद्धा गट विकास अधिकारी यांच्या निदर्शनाला ही गोष्ट कशी काय आली नाही ? तर मग गट विकास अधिकारी यांच्याच आशीर्वादाने हे सर्व चालू आहे की काय ? असा प्रश्न नागरिकांतून विचारला जात आहे.
यापूर्वी अशा पद्धतीने कामे करून बीले अदा केलेली आहे. त्यावेळेला याकडे कोणीही लक्ष दिले नाही. परंतु हे एक चाणाक्ष नागरिक अशोक जुगदर यांनी माहितीच्या अधिकाराखाली ही बाब नागरिकांच्या लक्षात आणून दिली आहे .
अनेक दिवसापासून अनेक महिन्यापासून हा प्रकार सुरू आहे. परंतु याकडे गटविकास अधिकाऱ्यांनी दुर्लक्ष केले असल्याचे यातून दिसून येत आहे. तरी संबंधित अधिकाऱ्याची व कामाची चौकशी करून योग्य ती कारवाई व्हावी अशी नागरिकातून मागणी होत आहे.
चौकट – रोजगार हमीतून झालेली बोगस कामे यासंदर्भात दोन वेळा अशोक जुगदर व नागरिकांनी आंदोलने केली होती. याची दखल गटविकास अधिकाऱ्यांनी घेतली नाही. तर मुख्य कार्यकारी जिल्हाधिकारी यांनी गट विकास अधिकाऱ्यांची चौकशी करणे गरजेचे आहे.
