नातेपुते येथे स्वातंत्र्याच्या ७५व्या अमृत महोत्सव निमित प्रभात फेरी
नातेपुते ( श्रीकांत बाविस्कर):-
नातेपुते नगरपंचायतीच्या वतीने स्वातंत्र्याचा अमृत महोत्सव साजरा करण्यात आला. त्या अनुषंगाने नातेपुते शहरातील दाते प्रशाला, अक्षय प्रशाला, रत्नप्रभा प्रशाला, मोहिते पाटील कॉलेज, समता शाळा, चंद्रप्रभू शाळा, एस एन डी शाळा, अशा सर्व शाळेतील विद्यार्थ्यांनी नातेपुते शहरातून प्रभात फेरीचे आयोजन केले होते.
सकाळी १०:३0 वाजता सर्व शाळांमधील एकूण ४५00 विद्यार्थी पालखी मैदान या ठिकाणी एकत्र आले व 75 आकड्याच्या व इंडिया आकारामध्ये सर्व विद्यार्थी यांना बसवण्यात आले व ड्रोन मधून चित्रीकरण करण्यात आले. त्यानंतर अक्षय शाळेच्या लहान विद्यार्थ्यांनी हर घर तिरंगा संदर्भात पथनाट्य सादर केले.
तसेच सकाळी 11 वाजता सामूहिक राष्ट्रगीत घेण्यात आले. त्यानंतर सर्व विद्यार्थ्यांना खाऊ वाटप करण्यात आला.अशा पद्धतीने नातेपुते शहरातील सर्व शाळांमधीला सर्व विद्यार्थ्यांनी प्रभात फेरीमध्ये सहभाग घेऊन भारत माता की जय, वंदे मातरम च्या जय घोषात पालखी मैदान या ठिकाणी येऊन स्वातंत्र्याचा अमृत महोत्सव साजरा केला. या कार्यक्रमासाठी नातेपुते नगरपंचायतीने व सर्व शाळातील शिक्षक आणि विद्यार्थी यांनी खूप मोलाचे काम केले .
सदर कार्यक्रमासाठी नातेपुते नगरपंचायतीच्या नगराध्यक्ष उत्कर्षराणी पलंगे, उपाध्यक्ष मालोजीराजे देशमुख, मुख्याधिकारी माधव खंडेकर, कृषी उत्पन्न बाजार समिती चे सभापती मामासाहेब पांढरे,बांधकाम सभापती अतुल पाटील, महिला बालकल्याण सभापती संगीता काळे, पाणीपुरवठा व स्वच्छता सभापती स्वाती बावकर ,भारती पांढरे ,शर्मिला चांगण, सविता बरडकर ,माया उराडे,सुरेंद्र सोरटे,भानुदास राऊत,अविनाश दोशी,रावसाहेब पांढरे त्याचप्रमाणे नंदू लांडगे, बाळासाहेब काळे, रणवीर देशमुख, अतुल बावकर, शक्ती पलंगे, उमेश पलंगे , भानुदास राऊत, माऊली उराडे, शशिकांत बरडकर, तसेच नगरपंचायतीचे सर्व कर्मचारी यांची उपस्थिती होते.
