खरसुंडीत कापूस खरेदी केंद्राचा आम.पडळकर यांच्या हस्ते शुभारंभ
जिल्हा मध्यवर्ती बँकेचे संचालक चिमण डांगे यांची प्रमुख उपस्थिती
आटपाडी प्रतिनिधी
खरसुंडी ता.आटपाडी येथील सद्गुरुकृपा कॉटन मिल येथे कापूस खरेदी केंद्राचा शुभारंभ आमदार गोपीचंद पडळकर व सांगली जिल्हा बँकेचे संचालक चिमणभाऊ डांगे यांच्या हस्ते करण्यात आला.
यावेळी आमदार गोपीचंद पडळकर म्हणाले तालुक्यामध्ये जवळपास सर्वच गावामध्ये टेंभूचे पाणी आले आहे. काही गावे वंचित आहेत, त्या गावांना सुद्धा लवकरात लवकर पाणी येण्याची व्यवस्था करण्यात येईल. तसेच राजेवाडी तलावा बारमाही करण्यासाठी प्रयत्न सुरू आहे.
त्यामुळे माणगंगा नदीला कायमस्वरूपी पाणी राहील. राज्यांमध्ये सांगोला येथील सूतगिरणी व चिमणभाऊ डांगे यांची सूतगिरणी प्रथम आहेत. शेतकऱ्यांनी ठिबक सिंचन द्वारे पुढील काळामध्ये पिके करावीत, ऊस उत्पादक शेतकरी सध्या हातगायला आलेला आहे. त्यांच्या अनेक अडचणी आहेत, त्यामुळे शेतकऱ्यांनी कापूस पिकाकडे वळावे .
काही वर्षांपूर्वी तालुक्यातून पांढरं सोनं नाहीस झालं होतं ते पुन्हा पांढरे सोनं सभापती भाऊसाहेब गायकवाड यांनी तालुक्यामध्ये आणले आहे. सध्या पांढरे सोने कापसाला चांगल्या पद्धतीचा भाव आहे. सरासरी10,000 रुपये कापूस खरेदी केला जात आहे. भविष्यामध्ये 12 ते 14 ऍड हजारापर्यंत कापसाची खरेदी होणार आहे. यासाठी सर्व शेतकऱ्यांनी कापूस पिकाकडे वळावे कसे आव्हान आमदार पडळकर यांनी केले.
तर सांगली जिल्हा मध्यवर्ती बँकेचे संचालक चिमण डांगे म्हणाले की जर कापूस स्वच्छ आला तर त्याला दर द्यायला काहीही अडचण नाही. कापूस जर खराब आला तर तो मशीन मध्ये जात असताना मशीनला सदैव घोटाळे होत असतात. त्यामुळे स्वच्छ कापूस आल्यास त्याला चांगला भाव मिळेल.
यावेळी विलास काळेबाग,भाजप नेते आप्पासो काळेबाग ज्येष्ठ नेते बंडोपंत देशमुख ,सभापती भाऊसाहेब गायकवाड ,जगन्नाथ कोळपे, युवा नेते राहुल गुरव, डॉ प्रमोद धायगुडे, माजी सरपंच शिवाजी पाटील, विष्णू काळेबाग, माजी जिल्हा परिषद सदस्य जनार्दन झिमल, माझी उपसरपंच जितेंद्र पाटील, विलास शिंदे, संजय कोळेकर, अँड संपतराव पाटील ,धोंडीराम इंगवले, अजय खरात ,तानाजी श्रीसागर, बँक ऑफ इंडियाचे मॅनेजर भागवत, ऍड पुष्पांजली काळेबाग, शेतकरी मिलचे मेखले व ग्रामस्थ उपस्थित होते.
