निंबवडे येथील शिक्षकांचा सन्मान
निंबवडे मॉडेल स्कूल अंतर्गत निंबवडे नं 1 व निंबवडे नं 2 या शाळांनी जे उत्कृष्ट काम केले आहे त्यामुळे आटपाडी तालुक्याचे गट विकास अधिकारी भोसले साहेब यांनी समाधान व्यक्त करून या दोन शाळेतील सर्व शिक्षक श्री मारुती देवडकर, रतिलाल गळवे, कृष्णदेव पिंजारी, अंकुश बुधावले, अमोल मिसाळ, महेश इंगवले व शाळा नंबर दोनचे सौ विजया तारळेकर, सचिन देठे, बापूसो औंधकर ,प्रमोद देठे, शैलजा बनकर, विजय चव्हाण ,मोनाली खाडे या सर्व शिक्षकांचा गुलाब पुष्प देऊन सन्मान केला
.सुरुवातीच्या काळात भोसले साहेबांनी मॉडेल स्कूल साठी ज्या अपेक्षा व्यक्त केल्या होत्या त्याप्रमाणे शैक्षणिक उठावातून खेळाचे साहित्य, विज्ञान साहित्य, संगणक साहित्य, ग्रंथालयीन पुस्तके, मुलांसाठी स्वच्छतागृह, मुलींसाठी स्वच्छतागृह, परसबाग, किचन गार्डन, शालेय क्रीडांगण व रोख अडीच लाख रुपये व इतर दानशूर व्यक्तीकडून असे मिळालेल्या जवळजवळ सात लाखाचा शैक्षणिक उठाव गोळा केला व शाळेचा बदललेला चेहरा मोहरा पाहून तसेच दर्शनी भागातील पेंटिंग चे काम सहशिक्षक प्रमोद देठे सर यांनी त्यांच्या कल्पनेतून रेखाटलेले आहे त्यामुळे उठावदार चित्रामुळे शाळेचा आनंददायी परिसर पाहून आटपाडी तालुक्याचे गटविकास अधिकारी भोसले साहेब, गटशिक्षणाधिकारी श्री मोरे साहेब, केंद्रप्रमुख अर्जुन विभुते, सरपंच नंदाताई देठे,उपसरपंच धोंडीराम मेटकरी या सर्वांनी अनेक पालकांच्या, ग्रामस्थांच्या साक्षीने सर्व शिक्षकांचा गुलाबपुष्प देऊन सत्कार केला
. तसेच शाळा नं 2 चे माजी मुख्याध्यापक अशोक मोटे गुरुजी शाळा नं 1 चे मुख्याध्यापक श्री मारुती देवडकर यांना एवढे मोठे काम उभे केल्याबद्दल त्यांना धन्यवाद दिले व येत्या काळात शैक्षणिक गुणवत्ता वाढवण्याचे आवाहन बी डी ओ भोसले साहेब यांनी केले.
या सर्व भौतिक सुविधा पूर्ण झाल्याने शाळेचा विकास होण्यास सहकार्य दिल्याबद्दल ग्रामस्थांचे, पालकांचे, दानशूर व्यक्तींचे, देणगी देणाऱ्यांचे सर्वांचे मुख्याध्यापक देवडकर गुरुजी यांनी आभार मानले व त्यांना धन्यवाद दिले या पुढे विद्यार्थ्यांच्या सर्वांगीण विकासासाठी, गुणवत्तेसाठी, क्रीडा क्षेत्रात भरीव कामगिरी करून गुणवत्ता वाढ करण्याची ग्वाही मुख्याध्यापक श्री मारुती देवडकर यांनी दिली आणि एका या सुंदर कार्यक्रमाची सांगता झाली.
