आटपाडी तहसीलदार कार्यालय खाजगी एजंटाच्या विळख्यात … भारतीय शेतकरी कामगार पक्ष आंदोलन करणार
आटपाडी प्रतिनिधी
आटपाडी तहसीलदार कार्यालय खाजगी एजंटच्या विळख्यात अडकले आहे. खाजगी एजंट लवकरच बंद करावेत, अन्यथा भारतीय शेतकरी कामगार पक्ष खाजगी व निष्क्रिय अधिकाऱ्याच्या विरोधात आंदोलन करणार असल्याचा इशारा निवेदनाद्वारे दिला आहे.
निवेदनात म्हटले आहे, की तहसील कार्यालयातील खाजगी कर्मचारी बंद करावेत व तलाठी सजेच्या ठिकाणी मुख्यालयास रहावेत, तसेच तहसील कार्यालयात कर्मचारी यांना ओळखपत्र व त्याचा पदनाम त्या टेबलला असावा, तसेच तालुक्यातील तलाठी सजेच्या ठिकाणी राहत नसतात त्यामुळे नागरिकांची गैरसोय होत आहे.
तरी आपणाकडून लवकरात लवकर तलाठ्यांना आदेश व्हावा. तसेच सजेच्या ठिकाणी राहण्याबाबत व महाराष्ट्र शासनाच्या 6 जानेवारी 2017 च्या जीआर नुसार त्यामध्ये आठ नियम आहेत, त्या नियमावली नुसार तलाठ्याकडून पालन व्हावे व तलाठी कार्यालयामध्ये काम करणाऱ्या खाजगी व्यक्ती लवकरात लवकर बंद करावेत.
जर खाजगी एजंट बंद न झाल्यास येत्या दहा दिवसात आपल्या कार्यालयासमोर शेतकरी कामगार पक्ष निष्क्रिय अधिकारी विरोधात आंदोलन करणार आहे.
या आंदोलनाची सर्व जबाबदारी प्रशासनाची राहील . आशा आशयाचे निवेदन देण्यात आले असून यावेळी शेतकरी कामगार पक्षाचे तालुका अध्यक्ष भाईअमित गिड्डे, जावेद शेख ,अमित ऐवळे उपस्थित होते.
नायब तहसीलदार योगेश शिंदे यांना भारतीय शेतकरी कामगार पक्षाच्या वतीने निवेदन देण्यात आले
