आटपाडी तालुक्यातील कृषी विभागाचा भोंगळ कारभार,रोजगार हमी योजने अंतर्गत फळबाग लागवडीचे मजुरांचे पैसेच गायब
आटपाडी तालुक्यांमध्ये कृषी विभाग अंतर्गत फळबाग लागवडीचे काम जोमात चालू आहे. या फळबाग लागवडीसाठी रोजगार हमी अंतर्गत फळबाग लागवड केली जात आहे . शेतकऱ्यांचे ज्या नागरिकांचे जॉब कार्ड आहे. अशा जॉब कार्ड धारकांना रोजगार हमीच्या कामावरती काम करता येते.
अनेक शेतकऱ्यांनी रोजगार हमी अंतर्गत फळबाग लागवड केली आहे. परंतु त्यांच्या मजुरीचे पैसे त्या रोजगारांच्या खात्यावरती जमा होत नाहीत अशा अनेक तक्रारी आहेत. याबाबत त्या त्या गावाला नेमणूक केलेले कृषी सहाय्यक यांचे पूर्णपणे दुर्लक्ष आहे.
अनेक वेळा कृषी विभागाकडे दिलेली मजुरांची यादी आणि रोजगार हमीचे सुटलेले पैसे याचा ताळमेळ लागत नाही. दिलेल्या मजुरांच्या नावावर पैसे न येता अन्य दुसऱ्याच मजुरांच्या नावावर पैसे येत आहेत ,व ते पैसे त्या फळबाग लागवड करणाऱ्या शेतकऱ्याला मिळत नाहीत असे प्रकार अनेक वेळा झाले आहेत.
तसेच शेतकऱ्यांनी कृषी सहाय्यक यांच्याकडे कोणत्या मजुरीच्या नावावरती किती पैसे गेले आहेत ,कोणत्या बँकेत गेले आहेत ,याची यादी मागितली असता कृषी सहाय्यक मजुरांची नावे व बँकेची नावे देण्यात कासकूस करीत आहेत. म्हणजे या सर्व प्रकारांमध्ये कृषी सहाय्यक व रोजगार हमी योजनेचे पैसे ट्रान्सफर करणारे अधिकारी यांचे संगणमत आहे की काय अशी शंका निर्माण होत आहे.
अनेक शेतकऱ्यांनी मजुरांची यादी दिलेली असताना त्या मजुरांच्या नावावरती पैसे जमा न होता अन्य दुसऱ्याच मजुरांच्या नावावर अनेक वेळा पैसे जमा झाले आहेत. कोणत्या मजुरांच्या नावावर पैसे जमा झाले आहेत ते शेतकऱ्यांना माहीत पडत नाही मग त्या शेतकऱ्याने ते पैसे मजुराकडून कसे घ्यायचे हा गंभीर प्रश्न आहे .
ज्या अधिकाऱ्यांनी पैसे ट्रान्सफर केले व कृषी सहाय्यक या दोघांनाच माहित असते की कोणत्या मजूरच्या नावावर किती पैसे गेले आहेत ,पैसे कोणत्या मजुराजा नावावर गेले आहेत, याची यादी लाभार्थी शेतकऱ्याने मागितली तरी कृषी विभाग यादी लाभार्थीला मिळत नाही.
त्यामुळे लाभार्थी शेतकऱ्यांनी पैसे कोणाच्या खात्यावर आले आणि कोणाला मागायचे हा गंभीर प्रश्न आहे.
रोजगार हमी अंतर्गत व अन्य योजनेचा कृषी विभागामध्ये सर्व काही भोंगाळ कारभार सुरू आहे. या कारभाराची वरिष्ठ विभागाकडून चौकशी व्हावी अशी मागणी शेतकऱ्यातून होत आहे.
