तलाठ्याने सज्जाच्या ठिकाणी राहावे व तहसील कार्यातील खाजगी कर्मचारी बंद करावेत अन्यथा आंदोलन
आटपाडी प्रतिनिधी
आटपाडी तालुक्यातील गाव कामगार तलाठ्यांनी सजाच्या ठिकाणी राहावे व तहसील कार्यालयातील खाजगी कर्मचारी बंद करावेत या मागणीसाठी भारतीय शेतकरी कामगार पक्ष यांनी यापूर्वी निवेदन देण्यात आले होते.
तसेच कार्यालयामध्ये काम करणारे कर्मचारी यांना ओळखपत्र व त्याचा पदनाम त्या टेबलला असावा ,तसेच तालुक्यातील तलाठी सजेच्या ठिकाणी राहत नसतात त्यामुळे नागरिकांची गैरसोय होत आहे.तरी तहसीलदार यांनी लवकरात लवकर तलठ्यांना सजेच्या ठिकाणी राहण्याचा आदेश द्यावेत.
माहाराष्ट्र शासनाच्या 6 जानेवारी 2017 च्या जीआर नुसार त्यामध्ये एक ते आठ नियमवाली आहेत. त्या नियमावलीचे तलाठ्याकडून पालन व्हावे व तहसील कार्यालय मधील काम करणाऱ्या खाजगी व्यक्ती लवकरात लवकर बंद कराव्यात, या बाबत मागील दहा ते पंधरा दिवसापूर्वी निवेदन देण्यात आले होते. परंतु त्यावर अजूनही कार्यवाही झालेली दिसून येत नाही .
तरील वरील मागण्या त्वरित कारविनित कराव्यात अन्यथा भारतीय शेतकरी कामगार पक्ष उपोषण ला बसणार असल्याचे निवेदन तहसीलदार देण्यात आले आहे .
