ग्रामीण भागात खेडोपाडी (गरबा) दांडिया चा लागलाय लळा
विभूतवाडीत तरुण ,तरुणाई,महिला, वयोवृद्धांचा गरबा दांडिया लय भारी
मानगंगा न्यूज नेटवर्क
आटपाडी तालुक्याच्या पश्चिमेकडील शेवटचं टोक विभूतवाडी या विभूतवाडीमध्ये मागील आठ ते दहा वर्षापासून दुर्गादेवी बसवतात व या दुर्गादेवीची मनोभावे सर्वच नागरिक तरुण तरुणाई वयोवृद्ध मनापासून सेवा करतात.
मुंबई पुणे शहरामध्ये दुर्गादेवी म्हटलं की गरबा दांडिया चा खेळ आलाच, हा खेळ सहजासहजी ग्रामीण तरुण तरुणांना खेळता येत नसे, परंतु मागील आठ-दहा वर्षापासून गावामध्ये दुर्गादेवी बसवण्यास सुरुवात झाली व शहरातील खेळ ग्रामीण भागाकडे आला तो म्हणजे दांडिया गरबा.
अनेक वर्षापासून गावामध्ये गरबा दांडिया खेळण्यासाठी तरुण -तरुणाई, वयोवृद्धमहिला पुरुष मध्यमवर्गीय स्त्री पुरुष सर्वजण यामध्ये भाग घेतात व तास दोन तास या गरबा दांडिया चा आनंद लुटतात.
दुर्गामाता मंडळाचा हा उपक्रम स्तुत उपक्रम आहे या मंडळाच्या उपक्रमाचा आदर्श घेण्यासारखा आहे .यामध्ये कोणत्याही पद्धतीचं गालबोट लागत नाही .कोणाची वादावाद होत नाही. हे सर्वात महत्त्वाचे असून यामुळे तरुण तरुणाई मध्ये या गरबा दांडिया मधून काही कलाकार सुद्धा होऊ शकतात.
ग्रामीण भागात पारंपारिक खेळ म्हणजे गजीनृत्य खेळ परंतु गजीनृत्य खेळ तरुणांना सहजासहजी जमत नाही व तरुण याकडे दुर्लक्ष करतात. परंतु गरबा दांडिया च्या खेळात पायाचा ठेका बरोबर टाकतात आणि याच ठोक्यामुळे आजचा तरुण गजी नृत्य सुद्धा लवकरच शिकणार असं म्हटलं तर वावगं ठरणार नाही.
परिसरामध्ये गरबा – दांडिया कोणत्याही गावात खेळला जात नाही. परंतु विभूतवाडी सारख्या एका खेडे गावामध्ये गरबा दांडियाची परंपरा सुरू झाली व ही कायमस्वरूपी सुरू रहावी अशी अनेक दुर्गामाता भाविक भक्तांची भावना आहेत, ग्रामस्थांचीही भावना आहे.
गरबा दांडिया मुळे शाळेतील विद्यार्थ्यांचे धाडस वाढण्याचे काम होत आहे. त्यामुळे भविष्यामध्ये या तरुणांचं तरुणींचा स्टेज डेरिंग वाढू शकतं, आणि यातूनच भविष्यामध्ये एखादा कलाकार सुद्धा बनू शकतो.
हा खेळ नवरात्र उत्सवात पुढील काळामध्ये भरभराटीस येवो, मोठ्या प्रमाणामध्ये गरबा दांडिया चा कार्यक्रम होवो.
आसपासच्या गावातील नागरिक या गावचा दांडिया गरबा बघण्यासाठी आवर्जून यावेत. अशा पद्धतीचा गरबा दांडिया खेळ उत्तमरीत्या तरुणांनी खेळावा व गावाचा नवलौकिक वाढवावा हीच दुर्गामाता चरणी प्रार्थना
