कोर्टाच्या आदेशाशिवाय शेतकऱ्याकडून कर्ज वसुली करू नये – शेतकरी संघटना
आटपाडी प्रतिनिधी
महाराष्ट्र सरकारने 2017 व 2019 मध्ये शेतकऱ्यांना कर्जमाफी केली होती. परंतु अनेक शेतकऱ्यांना या कर्जमाफीचा लाभ झाला नाही. शेतकऱ्यांना कर्जमाफीचा लाभ काही अधिकाऱ्यांच्या आडमुट धोरणामुळे झाला नाही. अशा शेतकऱ्यावर अधिकाऱ्यांनी कर्ज वसुलीचा तगादा लावण्यात आला आहे.
पण कोर्टाचा आदेश असल्याशिवाय कोणत्याही अधिकाऱ्याने कर्ज वसुलीसाठी शेतकऱ्यांना तागादा लावल्यास शेतकरी संघटना कर्ज वसुलीला विरोध करणार असल्याचे निवेदन शेतकरी संघटनेच्या वतीने निवासी जिल्हाधिकारी मोसमी बर्डे यांना निवेदन देण्यात आले आहे.
निवेदनात म्हटले आहे की शेतकऱ्यांच्या शेतीमालाला सरकारच्या चुकीच्या धोरणामुळे भाव मिळत नाही. शेतकऱ्यांनी पिकवलेल्या सर्व मालावर निर्यात बंदी आहे. आणि सरकार परदेशातून बेकायदेशीर रित्या शेतीमाल आयात करून शेतकऱ्यांच्या मालाचे भाव पाडत आहे. शेतकऱ्यांच्या कडे अनेक प्रकारची कर्ज थकली आहेत ,विज बिल थकले आहे ,कर्ज वसुलीसाठी फायनान्स, खाजगी सावकार ,पतसंस्था, बँका पोलिसांच्या मदतीने शेतकऱ्यांना येऊन दमदाटी करतात.
भिती पोटी अनेक शेतकरी आत्महत्या करतात .तरी न्यायालयाचा आदेश असल्याशिवाय पतसंस्था, फायनान्स, यांनी वसुली करू नये आणि जर कोर्टाचा आदेश नसताना शेतकऱ्याकडून वसुली करण्यासाठी पोलिसांच्या मदतीने भीती दाखवल्यास शेतकरी संघटना या वसुलीला तीव्र विरोध करणार असल्याचे निवेदन शेतकरी संघटनेने निवासी जिल्हाधिकारी मोसमी बर्डे यांना दिले आहे
