विभूतवाडीचा तलावा टेंभूच्या नव्हे,पावसाच्या पाण्याने हाऊसफुल
सांडव्यातून पाणी वाहू लागले ,शेतकरी वर्गामध्ये समाधान
आटपाडी प्रतिनिधी
विभूतवाडी ता.आटपाडी येथे ल.पा. तलाव असून ऑगस्ट सप्टेंबर मध्ये हा तलावा पावसाच्या पाण्याने दरवर्षी भरत असतो .दुष्काळामध्ये अनेक वेळा तलावा कोरडाच होता. म्हणजे मृत पाणीसाठा त्यामध्ये होता यावर्षी पावसाने पावसाळ्यामध्ये हुलकावणी दिल्यामुळे तलावा भरू शकला नाही. परंतु उशिरा का होईना पण तलावा पाण्याने तुडुंब भरला आहे.
जून, जुलै मध्ये अनेक शेतकऱ्यांनी पाण्याच्या भीतीपोटी पेरणी केली नव्हती ,उशिरा पेरण्या सुरू झाल्या होत्या. पाऊस उशिरा सुरू झाला, पण उशिरा का होईना पण तलावा हाउसफुल झाला आहे .त्यामुळे शेतकरी वर्गातून आनंद व्यक्त होत आहे नाहीतर येणाऱ्या काळात दुष्काळाला सामोरे जावे लागणार होते.
अनेक वर्षापासून या तलावामध्ये टेंभूचे पाणी यावे म्हणून सर्वच पक्षाच्या नेत्याकडून प्रयत्न केला जात होता. परंतु अध्याप या तलावामध्ये टेंभूचे पाणी आले नाही. भविष्यामध्ये टेंभूचे पाणी कधी येईल हेही सांगता येत नाही. त्यामुळे यावर्षी जरी तलावा हाउसफुल झाला असला तरी पुढील वर्षी पावसाने ओढ दिल्यास पुन्हा दुष्काळाचे सावट येणार आहे.
तरी सर्वच राजकीय पक्षाच्या नेत्यांनी टेंभूचे पाणी तलावामध्ये कसे येईल यासाठी प्रयत्न करावेत अशी शेतकरी वर्गातून मागणी होत आहे
