पिंपरीतील सेवानिवृत्त मुख्याध्यापक बापूराव सलगर यांचा जेष्ठ नागरिक संघ्याच्या वतीने सत्कार समारंभ संपन्न
पिंपरी बुद्रुक तालुका आटपाडी येथील निवृत्त मुख्याध्यापक बापूराव सलगर यांचा ज्येष्ठ नागरिक संघाच्या वतीने सत्कार समारंभ करण्यात आला.
सेवानिवृत्त मुख्याध्यापक व पिंपरी गावचे माजी सरपंच ज्येष्ठ नागरिक बापूराव सलगर गुरुजी यांचा ठीक चार वाजता त्यांचे निवासस्थानी सपत्नीक सत्कार समारंभ संपन्न झाला.
कार्यक्रमाची सुरुवात विश्वप्रार्थनेने झाली. प्रास्ताविक संघाचे सचिव अनुसे एस. व्ही. यांनी केले प्रास्ताविकांमध्ये त्यांनी जेष्ठ नागरिक संघाच्या स्थापनेपासून आज अखेर ज्येष्ठ नागरिक संघाने केलेल्या कार्याचा अहवाल व हेतू चे कथन केले
तसेच आजच्या सत्कारमूर्तीच्या त्यांच्या आजपर्यंतचा शैक्षणिक व राजकीय क्षेत्रामध्ये केलेल्या उल्लेखनीय कार्याविषयी माहिती सांगितली .
त्यानंतर ज्येष्ठ नागरिक संघाचे अध्यक्ष यादव सर यांनी गुरुजींच्या जीवनप्रवासाविषयी सुरुवातीच्या कालावधीपासून आज अखेरचा प्रवासामध्ये केलेल्या उल्लेखनीय व पडळकर वाडीसारख्या खेडे गावचे नाव त्यांनी घडविलेल्या विद्यार्थ्यांनी जीवनामध्ये उज्वल यश संपादन करून गावचे नाव मोठे केल्याचे सांगून अनेक शेकडो विद्यार्थी आपल्या जीवनामध्ये चमकत असल्याचे मत व्यक्त केले व त्यांच्या उल्लेखनीय कार्याबद्दल गुरुजींना भरभरून शुभेच्छा दिल्या .
त्यानंतर संघाचे सभासद माने एस .बी .यांनीही आपले मनोगत व्यक्त करून आपल्या वैयक्तिक जीवनामध्ये गुरुजींचे मार्गदर्शन व स्थान याविषयी विचार व्यक्त केले संघाचे जेष्ठ सभासद एस. के. कदम यांनी आपल्या जीवनामध्ये पिंपरी गावचा व माझा तसेच गुरुजींचा ऋणानुबंध याविषयी विचार व्यक्त करून गुरुजींनी आपल्या जीवनामध्ये शैक्षणिक व राजकीय क्षेत्रामध्ये उल्लेखनीय कामगिरीबद्दल शुभेच्छा दिल्या. सदर सत्कार समारंभ प्रसंगी सलगर गुरुजींचे आप्तसकीय व नातेवाईक उपस्थित होते.
