आटपाडी पंचायत समितीचे गटविकास अधिकारी यांच्या विरोधात गुन्हा दाखल का करू नये ?
अशी कायदेशीर नोटीस बजावण्यात आली आहे
आटपाडी प्रतिनिधी
आटपाडीचे गटविकास अधिकारी मनोज भोसले यांनी आपल्या पदाचा दुरुपयोग करत कॉन्ट्रॅक्टदाराला मदत करून शासनाच्या पैशाचा अपहार केल्याच सांगत सामाजिक कार्यकर्ते अशोक जुगदर यांच्यामार्फत गटविकास अधिकारी यांच्या विरोधात गुन्हा दाखल का करू नये ? अशा आशयाची 10 नोव्हेंबर रोजी कायदेशीर नोटीस बजावण्यात आली आहे
नोटिसीत म्हटलं आहे की सामाजिक कार्यकर्ते अशोक जुगदर यांनी जांभुळणी येथील अनुसूचित जाती व नवबौद्ध समाज सुधार योजनेअंतर्गत पेविंग ब्लॉक बसवणे, मारुती मंदिर ते अर्जुन होनमाने यांचे घर या कामाबाबत माहिती अधिकार कायद्यांतर्गत माहिती मागून चौकशीची मागणी केली होती.
सदरचे काम हे प्रत्यक्षात झाले नसताना ठेकेदार सूर्यकांत जाधव प्रथमेश कन्स्ट्रक्शन दिघंची यांना वेळोवेळी कामाची बिले अदा करण्यात आली आहेत. सूर्यकांत जाधव हे पंचायत समिती आटपाडी येथे तांत्रिक अधिकारी म्हणून कार्यरत असल्याने त्यांना शासकीय काम देऊ नये असा शासन आदेश आहे .
तसेच सूर्यकांत जाधव यांनी तांत्रिक अधिकारी पदावर असताना वारंवार शासकीय कामे घेतलेली आहेत, त्यांची खातेनिहाय चौकशी करावी अशी गटविकास अधिकारी मनोज भोसले यांच्याकडे मागणी केलेली होती. मात्र या मागणीकडे दुर्लक्ष करत काम झालेले नसताना सुद्धा कागदोपत्री काम झालेले आहे, असे दाखवून कंत्राटदार यांना बिले अदा करून शासनाच्या पैशाचा अपहार केलेला आहे.
त्यामुळे आपणा विरोधात शासनाचा पैशाचा अपहार केल्याचा गुन्हा आपल्या विरोधात का दाखल करू नये अशी नोटीस सामाजिक कार्यकर्ते अशोक जुगदर यांचे वकील एडवोकेट श्री नवनाथ मारुती दबडे यांनी बजावलेली आहे.
या नोटीसीमध्ये म्हणणं मांडण्यासाठी पंधरा दिवसाचा वेळ दिला आहे, पंधरा दिवसात बाजू न मांडल्यास या संदर्भात त्यांना काहीही सांगायचं नाही, असे समजून योग्य त्या न्यायालयामध्ये योग्य ती कारवाई करण्यात येईल असे नमूद केले आहे.
चौकट – आटपाडी पंचायत समितीचे गटविकास अधिकारी मनोज भोसले हे पंचायत समितीतील भ्रष्ट अधिकाऱ्यांना पाठीसी घालत आहेत. असे यावरून दिसून येत आहे .तरी संबंधित ठेकेदार हे तांत्रिक अधिकारी म्हणून म्हणून काम पाहतात व ठेकेदार पण आहेत हे गटविकास अधिकारी मनोज भोसले यांना माहीत असून सुद्धा त्यांच्यावर कारवाई करण्यास टाळाटाळ करीत आहेत.
