टेंभू उपसा सिंचन योजना घाणंद वितरिकेचे काम निष्कृष्ट दर्जाचे – विठ्ठल पडळकर
पश्चिमेकडून पूर्वेकडे उतार असून सुद्धा बंद पाईपलाईन मधून पाणी पुढे सरकेना
आटपाडी प्रतिनिधी
टेंभू उपसा सिंचन योजनेची घानंद वितरीका चे काम सुरू आहे. तर काही काम पूर्णत्वाकडे गेले आहे, हे बंदिस्त पाईपलाईन पूर्णपणे चुकीची टाकलेले आहे. या निष्कृष्ट कामाची चौकशी व्हावी अशी मागणी सामाजिक कार्यकर्ते विठ्ठल पडळकर यांनी केले आहे.
कारण या बंद पाईपलाईन मधून पाणी पुढे सरकत नाही. घानंद वितरिकेमधून कामाथ, मुढेवाडी, मापटेमळा, आटपाडी या भागांमध्ये पाणी जात आहे. परंतु बंद पाईपलाईन टाकल्यापासून या भागामध्ये पाणी गेलेच नाही.
आटपाडी तालुक्याचा विचार केला असता घाणंद, कामथ ही गावे आटपाडीच्या पश्चिमेला उंचावर आहेत, आटपाडी पूर्वेकडे आहे जमिनीचा उतार पश्चिमेकडून पूर्वेकडे आहे. पावसाचे पाणी पश्चिमेकडून पूर्वेकडे वाहते जर पावसाचे पाणी पश्चिमेकडून पूर्वेकडे वाहते तर बंदपाईप लाईन मधून पाणी पश्चिमेकडून पूर्वेकडे का जात नाही ? हा गंभीर प्रश्न आहे.
याबाबत सामाजिक कार्यकर्ते विठ्ठल पडळकर यांनी अनेक वेळा टेंभू योजनेच्या अधिकाऱ्यांच्या ही गोष्ट निदर्शनाला आणून दिली. परंतु त्यावर कोणतीही कारवाई झाली नाही, घानंद उपसा सिंचन योजनेतून पाणी पूर्वेकडे म्हणजेच मापटेमळा आटपाडी कडे गेलेच नाही. त्यामुळे ही पाईपलाईन पूर्णपणे चुकीच्या पद्धतीने टाकलेली आहे.
जर पश्चिमे कडून पूर्वेकडे जमिनीला उतार असेल तर पाईपलाईन मधून पाणी गेलेच पाहिजे पाईपलाईन सुद्धा पूर्व पश्चिम आहे. पश्चिमेकडून टेंभूचे पाणी पाईपलाईन मधून पूर्वेला जात असते परंतु अद्याप पाणी पूर्वेला म्हणजेच पूर्वेकडील गावांना पाणी गेलेले नाही.
शेतकऱ्यांच्या जमिनीला पाणी मिळावे म्हणून क्रांतिवीर नागनाथ अण्णा नायकवडी, माझी आमदार स्वर्गीय गणपत आबा देशमुख यांनी अनेक दिवसांपासून लढा दिला. कारण त्यांना शेतकऱ्याच्या जमिनीत पाणी पोहोचलेलं बघायचं होतं. परंतु अद्यापही योजना अपुरीच राहिली आहे.
सन 1995 ला आटपाडी तालुक्याचे ज्येष्ठ नेते माजी आमदार राजेंद्रअण्णा देशमुख हे अपक्ष म्हणून निवडून आले, निवडून आल्यानंतर त्यांनी युतीच्या सरकारला टेंभूचे पाणी मिळण्याच्या अटीवर पाठिंबा दिला होता. परंतु त्यांचेही स्वप्न अद्याप पूर्ण झाले नाही.
तालुक्यातील अनेक नेत्यांनी आटपाडीला पाणी मिळावे म्हणून संघर्ष केला. पाणी परिषदा घेतल्या, टेंभू योजनेचे काम सुरू झाले, परंतु काही चुकीच्या पद्धतीने पाईपलाईन टाकल्याने व अधिकाऱ्यांच्या दुर्लक्षपणामुळे अद्याप ज्या ठिकाणी बंदिस्त पाईपलाईनचे काम झाले आहे त्या ठिकाणी ते यशस्वी झाले नाही.
तरी अशा संबंधित बंद पाईपलांची चौकशी व्हावी व चुकीच्या पद्धतीने बंद पाईपलाईन केली आहे अशा संबंधित अधिकाऱ्यांची चौकशी करून योग्य ती कारवाई व्हावी, व बंद पाईपलाईन मधून शेकऱ्यांच्या जमिनीला पाणी मिळावे.
अन्यथा ज्या अधिकाऱ्यांनी बंद पाईपलाईन चुकीच्या पद्धतीने टाकली आहे त्याच्या विरोधात आंदोलन केले जाईल असा इशारा सामाजिक कार्यकर्ते विठ्ठल पडळकर यांनी दिला आहे .
