दहिवडी, ता. १६ :
वडजल (ता. माण) चे सुपुत्र गणेश काटकर यांची भारतीय अन्न महामंडळाच्या सल्लागार समिती सदस्य पदी नियुक्ती
भारतीय अन्न महामंडळ हे देशातील सर्वात मोठे महामंडळ मानले जाते या महामंडळाचे ३ लाख २४ हजार कोटी रुपये बजेट आहे. अन्नधान्य उत्पादक आणि ग्राहक यांचे हित रक्षण करणे, तसेच अन्न धान्य खरेदी, त्याची साठवणूक आणि पुरवठा करण्यासाठी धोरणे आखणे व केंद्र सरकारला सल्ला देणे असे या समितीचे मुख्य उद्देश आहेत. राज्यातील जवळपास सर्व जिल्ह्यांमध्ये भारतीय खाद्य महामंडळाच्या वखारी आहेत. भारतीय जनता पक्षाच्या अनेक वरिष्ठ नेत्या बरोबर गणेश काटकर यांचा जवळचा संबंध आहे अनेक निवडणुकीत त्यांनी भजाप चे कार्यकर्ते म्हणून काम केले आहे
या निवडीबद्दल गणेश काटकर यांचे उपमुख्यमंत्री देवेंद्र फडणवीस, उच्च व तंत्रशिक्षण,केंद्रीय मंत्री पीयूष गोयल,केंद्रीय मंत्री नारायण राणे,केंद्रीय मंत्री जोतीत्यराज सिंधिया,मंत्री स्मृती इराणी मंत्री चंद्रकांत दादा पाटील, मा चंद्रकांत बावनकुळे,खासदार रणजितसिंह नाईक निंबाळकर, आमदार प्रवीण दरेकर,आमदार श्रीकांत भारती,आमदार जयकुमार गोरे, तालुका अध्यक्ष शिवाजी शिंदे व साधना गुंडगे यांनी अभिनंदन केले.
